ЯҢАЛЫКЛАР

Татарстан Президенты Рөстәм Миңнеханов Казан Кремленең тантаналар залында ветераннарга "1941-1945 еллардагы Бөек Ватан сугышында Җиңүгә 70 ел" юбилей медальләре тапшырды.

Илледән артык ветеран медальгә лаек булды. Алар арасында якташыбыз, сугыш ветераны Касыйм Дәүләт улы Дәүләтов та бар иде.

Район Мәдәният йортында "Иске Казан - түгәрәк уены" татар фольклор фестивале булды. Анда Саба, Балтач, Арча, Әтнә, Кукмара районнары катнашты. Халкыбызның гасырлар буена җыелган тәҗрибәсе, моңы, гореф- гадәтләре бу фестивальдә ачык сурәтләнде.

24 февраль көнне Починок Сутер авылында яшәүче Семенова Александра Степановнага 90 яшь тулды. Аны юбилее белән котларга Исполком җитәкчесе урынбасары Рузалия Галиева, социаль яклау бүлеге җитәкчесе Светлана Замалиева, Важашур җирлеге башлыгы Петр Иванов килделәр, аңа Россия Президентының котлау открыткасын, район җитәкчесенең Рәхмәт хатын һәм истәлек бүләге тапшырдылар.

Түбән Камада мөмкинлекләре чикләнгәннәр арасында чаңгы ярышлары буенча Татарстан чемпионаты узды. Әлеге чарада кукмаралылар да катнашты. Илнур Гыймадиев, Илназ Ахмадуллин, Валентина Борисовалардан торган команда өченче урынны алды. Шулай ук Валерий Николаев, Илнар Сабировлар да уңышлы чыгыш ясадылар. Валентина Борисова шәхси беренчелектә беренче урынга чыкты.

Кукмарада узган республика спартакиадасында 49 районнан килгән мең ярымлап укытучы, тренер, директор һәм мәгариф идарәсе җитәкчеләре чаңгыда, тимераякта узышты, волейбол, теннис, шахмат уйнады, ә иң-иң көчлеләре турникта тартылды, тирләп-пешеп аркан тартты.

“Шәфкать” тернәкләндерү бүлегендә шөгыльләнүче балалар “Кышкы илһам” дигән Бөтенроссия иҗадый конкурсында катнаштылар. Алина Петрова - “Минем рәсемнәрем”, Гөлинә Галиәхмәтова “Минем эшләнмәләрем” номинацияләрендә җиңү яуладылар.

Анда моңлы, милли җырлар белән сугыш елларының дәһшәте үрелеп барды. Кичәдә ветераннар Советы рәисе Васильев Иван Викторович та эчтәлекле доклад белән чыгыш ясады. Шулай ук йөрәк түренә үтеп керерлек театраль күренеш барлык халыкның күңеленә хуш килде. Анда сугыш чорының тетрәндергеч чынбарлыгы сурәтләнде. Кичә бик эчтәлекле һәм милли үзенчәлекләргә бай булды.

Бүген район Советының 42нче сессиясе булып үтте. Аның эшендә Татарстан Премьер-министрының беренче урынбасары Алексей Песошин, Татарстан Дәүләт Советы рәисе урынбасары Римма Ратникова, республика министрлары, урынбасарлары катнашты.