ЯҢАЛЫКЛАР

“Дружба” агрофирмасы базасында кыр эшләренә хәзерлек, терлекчелектә гыйнвар ае нәтиҗәләренә багышланган семинар-киңәшмә үткәрелде. Семинарда катнашучылар Поч.Кучук машина-трактор паркында техника ремонты, терлекчелек комплексында кышлату чоры барышы белән таныштылар.

Авыл җирлекләрендә хисап җыелышлары дәвам итә. 26 авыл җирлегендә халык белән очрашулар узды. Халык белән очрашып-сөйләшүнең чираттагысы Починок Кучук җирлегендә үтте.

Районыбызның Татар Толлысы авылында яшәүче Миннеханова Мәүлебикә Мөхәмәтгариф кызы үзенең 100 яшьлек юбилеен билгеләп үтте. Гасыр әбисен якташыбыз, Татарстан Республикасы Дәүләт Советы рәисе урынбасары Римма Ратникова, район җитәкчесе Сергей Димитриев котлады. Кунаклар юбилярга Россия Президенты Владимир Путинның котлау открыткасын, Рәхмәт хаты, истәлек бүләкләре тапшырдылар.

Өркеш авыл җирлегендә район башкарма комитетының 2014 елгы эш нәтиҗәләренә кагылышлы хисап җыелышы үтте. Анда җирлек башлыгы Илгиз Мансурович, Югары Арбаш урта мәктәбе директоры Радик Исламов, участок инспекторы Николай Иванов, полиция начальнигы Айдар Бариев, җир һәм милек мөнәсәбәтләре палатасы начальнигы Марсель Төхбәтуллин, “Сөт иле” оешмасының “Дружба” филиалы җитәкчесе Айрат Сафин, район Пенсия фонды идарәсе җитәкчесе Әлфинур Сабитовалар чыгыш ясады.

Ятмас Дусай авыл җирлегендә район башкарма комитетының 2014 елгы эш нәтиҗәләренә кагылышлы хисап җыелышы үтте. Анда җирлек башлыгы Фирая Харисовна, участок инспекторы Николай Иванов, полиция начальнигы урынбасары Рашат Гарифуллин, җир һәм милек мөнәсәбәтләре палатасы начальнигы Марсель Төхбәтуллин, "Сөт иле" оешмасының "Дружба" филиалы җитәкчесе Айрат Сафиннар чыгыш ясады.

Район Башкарма комитеты җитәкчесе урынбасары Азат Гарифуллин Чишмәбаш авылында яшәүче Хадия апа Ногъманованы 95 яшьлек юбилее белән тәбрикләп, аңа Россия Президентының котлау открыткасын, район җитәкчесенең Рәхмәт хатын һәм истәлек бүләге тапшырды.