ЯҢАЛЫКЛАР

28 ноябрь көнне Починок Сутер авылы клубында Әнидәр көненә багышланган “Ана йөрәге” дип исемләнгән әдәби-музыкаль кичә үтте. Әлеге чарада 20ләп кеше катнашты.

Мәдәният учакларында Бөек Җиүнең 70 еллыгына карата “Җиңү салюты” фестивале башланды. Әлеге чара кысаларында Югары Чура, Ядегәр авыл җирлекләрендә авыл үзешчәннәре чыгыш ясады.

Уку әсбапларын бер читкә куеп, мәктәп турында бөтенләй диярлек онытып, рәхәтләнеп ял итә идек без каникулларда. Хәзер исә...югары сыйныф укучыларының яллары дәүләт йомгаклау аттестациясе (ДЙА) белән бердәм дәүләт имтиханнарын (БДИ) ничек тапшырасы булыр икән, дип борчылып һәм шуларга әзерләнеп уза. Имтиханнар белән бәйле яңалыклар да бик күп. Әле бер төрле, әле икенче төрле үзгәреш кереп кенә тора.

Бу көннәрдә үзенең 55 яшьлек гомер бәйрәмен билгеләп үтүче Татарстанның атказанган юристы, юридик фәннәр кандидаты Мәгънәви әфәнде Гәрәев тумышы белән Кукмара төбәгеннән.

...Заманында Тәкәнеш районына кергән Яңа Чәбия авылында әлеге төбәкнең мактаулы кешеләреннән саналган Тимерша Гәрәй улы һәм Мәгъфүрә Габдрахман кызы гаиләсендә өченче бала булып дөньяга аваз сала Мәгънәви. Исеме җисеменә бик тә туры килә малайның. Яшьтән үк мәгънәле булып, апасы Әлфинур белән абыйсы Ясәви кебек, әти-әнисенә көченнән-сәләтеннән килгәнчә булышып үсә ул. Тәкәнеш район башкарма комитетында җаваплы вазыйфа башкаручы Тимерша ага Гәрәев та, булдыклы почтальонка Мәгъфүрә апа да төпчек улларының тапшырылган һәр эшкә җитди каравын, тырыш, гадел, кешелекле булуын күреп, сөенеп туймыйлар. “Һәрвакыт гаделлек яклы син — үскәч прокурор яисә судья булып куярсың әле!” — ди әтисе. Ходайның “Амин!” дигән сәгатенә туры килгәндер — юраганы юш килә Тимерша аганың.

Киләсе елның 1 гыйнварыннан “Россия Федерациясендә гражданнарга социаль хезмәт күрсәтүнең нигезләре турында“гы 442нче санлы Федераль закон гамәлгә керәчәк. Халыкның социаль яклауга мохтаҗ категориясен нинди үзгәрешләр көтә соң? Нинди яңалыклар бар? Хезмәт, мәшгульлек һәм социаль яклау министрлыгының район бүлеге начальнигы Светлана Җамалиева шушы һәм башка сорауларга җавап бирә.

“Зилант” спорт мәктәбенең йөзү секциясенә йөрүче Илфирә Шәрипова Казан шәһәре беренчелегенә уздырылган республика ярышларында 50 метрга аркада йөзү буенча икенче урынны алды.

Бу көнне инвалид балалар спорт ветераннары белән очраштылар. Спортчылар аларга үзләренең уңышлары, бүләкләре, нинди юллар аша спортка килүләре турында сөйләделәр. Аннан соң яшь һәм өлкән буын арасында өстәл теннисы буенча ярыш үтте.

Кукмараның сәхнә ветераннары Түбән Кама шәһәре тамашачылары каршында чыгыш ясап кайттылар."Яшьлегем кайтавазы" концерт төркеменең чыгышларын тамашачылар яратып һәм сокланып кабул итте. Ретро җырлар, гармун һәм тальян моңнары беркемне дә битараф калдырмады.Концерт барышында артистларыбызга кушылып җырлап утырган тамашачылар, кабат очрашырга язсын, дип озатып калдылар.

«Тылсым» халыкка комплекслы социаль ярдәм күрсәтү үзәненең “Наз” социаль-сәламәтләндерү бүлегендә күп еллар социаль сферада эшләп пенсиягә чыккан пенсионерлар һәм инвалидлар өчен 12 ноябрьдән 11 декабрьгә кадәр дәваләу һәм ял итү курслары оештырылды. Ял итүчеләр өчен хезмәт терапиясе инструкторы Шайдуллина Ленара тарафыннан кул эшләре дәресе оештырылды.

28 ноябрь көнне Түбән Үрәс авылында яшәүче Емельянов Николай Ивановичны 90 яшьлек юбилее белән котларга “Тылсым” халыкка комплекслы ярдәм күрсәтү үзәге директоры Н. Мубаракова һәм җирлек башлыгы Г. Гарифуллина килделәр. Россия Федерациясе Президенты һәм район Советы исеменнән котлау хаты һәм бүләк тапшырдылар.