ЯҢАЛЫКЛАР

28 ноябрьдә Зур Сәрдек мәдәният йортында Фирдүс Төхвәтуллин истәлегенә багышлап 1999 елда туган һәм кечерәк яшьтәге балалар арасында татарча көрәш ярышлары уздырыла.

Татарстан Республикасы буенча Росреестр идарәсенең Кукмара бүлегендә чираттагы “Бердәм консультация көне” узды.

14 ноябрьдә Казан шәһәрендә Халыкара мәгълүмати үзәктә  IV социаль һәм мәдәни проектлар конкурсының җиңүчеләрен бүләкләү тантанасы булды. Анда Татарстан Республикасы Президенты Р.Н. Миннеханов, “Лукойл” ААҖ   президенты В.Ю. Алекперова, “РИТЕК” ААҖ генераль директоры Н.М. Николаева катнашты. Концерт программасында“Голос” программасы катнашучы Э. Каримуллина, “Болгар” бию ансамбле (Яр Чаллы), “Риваят” вокаль ансамбле,  кебек республиканың иң яхшы иҗат коллективлары белән беррәттән Кукмара районының  Починок Кучук авылыннан “Инвожо”  һәм Урта Комар авылыннан  “Зангари” удмурт халык фольклор ансамбльләре дә чыгыш ясады. Безнең коллективлар чыгышы тамашачыларда соклану хисләре тудырды.

17 ноябрьдә “Ялкын” спроткомплексында яшь спротчылар арасында Киокусинкай каратэ буенча турнир булды. Бу турнирда 8 яшьтән 11 яшькә кадәр балалар катнашты. Ярышлар 4 этапта узды. 1 этап – поединок, 2-3 этаплар –ОФП, 4 этап – ката. Җиңүчеләрне котлыйбыз, уңышлар теләп калабыз!

Казан шәһәрендә Киокусинкай каратэ буенча шәһәр беренчелеге узды. Анда Кукмара спортчылары да уңышлы чыгыш ясадылар. Якупов Ранис 1 урын (Многопрофильный лицей), Мифтахова Гузель 2 урын (школа №3), Гатин Рамзиль 3 урын (Гимназия с. Б. Сардек). Тренер Галяветдинов Алмаз Фаритовичны һәм аның шәкертләрен котлыйбыз, укуларында уңышлар, спортта югары күрсәткечләргә ирешәләрен телибез!

5 ноябрь көнне “Өлкән буын” волонтерлар клубының читаттагы утырышы булды. Утырыш барышында “Өлкән буын” социаль проекты үтәлешенә анализ ясалды. Директор вазыйфаларын башкаручы Инна Багабиева “Чит кайгы булмый” дип аталган проектның дәвам итүен әйтте һәм киләчәккә планнаг белән таныштырды.