ЯҢАЛЫКЛАР
11 нче февраль көнне уку залы китапханәчесе Салимова Т.Х., социаль ярдәм үзәге “НАЗ” да ял итүче пенсионерлар өчен “Язучы һәм тормыш” дип исемләнгән әдәби сәгать үткәрде. Чара барышында ял итүчеләр февраль аенда туган язучылар – совет чоры татар әдәбиятының күренекле вәкиле, проза остасы, тәрҗемәче Ибраһим Гази, татар халкының каһарман улы, герой-шагыйрь Муса Җәлил, күренекле шагыйрь, язучы-прозаик, драматург Фәнис Яруллин иҗатлары белән таныштылар.Язучыларның шигырьләрен тыңладылар, бергәләп шагыйрьләр сүзләренә язылган җырларны җырладылар.
11 февраль көнне С.В.Михалков исемендәге балалар китапханәсендә Россиядә сугышчы-интернационалистларны искә алу көненә багышланган «Афганистан йөрәк ярасы» дип исемләнгән батырлык сәгате үткәрелде. Чарага Ч.Т.Айтматов исемендәге 1 нче гимназиянең 5б сыйныф укучылары һәм Әфган сугышы ветераны Миннеханов Фазыл Рашил улы чакырылган иде. Китапханәче Фирдания Закирова балаларга совет гаскәрләрен Әфганстанга кертүнең сәбәпләре, югалтулары, һәлак булган якташларыбыз турында сөйләде.
Соңыннан сүз Фазыл Рашиловичка бирелде. Ул балаларга Әфганстанда хезмәт итүе, үз бурычларын ничек батырларча башкарырга туры килүе, катлаулы шартларда ныклык, намуслылык күрсәтергә, ант һәм бурычларга тугрылыкны саклап калырга туры килүе турында сөйләде. Балалар зур кызыксыну белән ветеранның сөйләвен тыңлады, аңа күпсанлы сораулар бирде. Һәлак булганнарны бер минут тынлык белән искә алды.
Үз эшчәнлеге турында белешмәләрнең ачыклыгын һәм үтемлелеген арттыру максатларында 2022 елның 16 февралендә 14.00 сәгатьтән 16.00 сәгатькә кадәр Роспотребнадзорның Татарстан Республикасы буенча идарәсе республика территориясендә һәм 12 территориаль идарәдә эшкуарлар өчен бердәм "Ачык ишекләр" көне оештыра.
30 апрельгә кадәр декларация тапшырыгыз
Рус телен, сөйләм мәдәниятен һәм яшьләр арасында укуны алга этәрү буенча проект кысаларында: "Чиста сүз. Үзәк китапханәдә, шәһәр мәктәпләренең өлкән сыйныф укучылары өчен, рус язучысы Н.Г. Гарин-Михайловскийның тууына 170 ел тулу уңаеннан, «узган гасыр замандашы» дип исемләнгән күргәзмә-портретка күзәтү үткәрелде.
10 февраль көнне С.В. Михалков исемендәге балалар китапханәсендә 4нче мәктәпнең 3б сыйныф укучылары өчен китапханәче Гөлфия Хафизова өчен Бөтендөнья китлар көненә багышланган «Көчле диңгез ияләре» дип исемләнгән экология дәресе үткәрде. Балалар планетада иң зур хайваннарның берсе, китларның төрлелеге турында кызыклы фактлар белде. Әңгәмә презентация белән үрелеп барды. Соңыннан балалар китлар турында тест сорауларына җавап бирде, клип карады һәм китаплар белән танышты.
Алтынчы Бөтенроссия «Китаплар бүләк итегез» акциясе кысаларында 4 нче мәктәпнең 3б сыйныф укучылары Гафурова Камилла, Гатин Ильназ, Васильева Арина, Гатиятуллина Айназ, Феклин Даниял, Хохлов Глеб, Иблияминов Рияз С.В. Михалков исемендәге балалар китапханәсенә китаплар бүләк итте.
2022 елның 10 февралендә Кукмара муниципаль районындагы мөмкинлекләре чикләнгән балалар һәм яшүсмерләр өчен «Милосердие» реабилитация үзәгендә массаж буенча шәфкать туташы Ибраһимова Наилә Зөфәр кызы «Аңны югалтуда беренче ярдәм» темасына «Медицина сәгате» үткәрде.
1. Метеорологик фараз Уңайсыз метеорологик күренешләр фаразланмый 2022 елның 11 февраленә 18 сәгатьтән 10 февральгә кадәр 2022 елның 11 февралендә 18 сәгатькә кадәр Көнбатыш Биреш буенча да: Болытлы. Кечкенә генә кар. Төнлә урыны белән буран. Көньяк-көнчыгыштан искән җил көньяк-көнбатышка таба 5-10 метр тизлектә, төнлә белән тизлеге 14 м/с. Минималь температура төнлә -7..-11˚. Максималь температура көндез -1...-4˚. Юлларда бозлавык.
Ял көне китапханәдә - вакытны мавыктыргыч һәм файдалы итеп үткәрү, ниндидер яңа һәм кызыклы нәрсәләр белү мөмкинлеге ул. Шул максат белән Трыш авыл китапханәсендә кызлар һәм малайлар шашкаларның мавыктыргыч дөньясына чумдылар. Китапханәче Рүзилә Төхвәтуллина балаларга шашка тарихын һәм аларның кагыйдәләрен сөйләде. Балалар рәхәтләнеп уйнадылар. Мондый уеннар балаларда үҗәтлек, максатчанлык, тапкырлык, игътибарлылык тәрбияли.