ЯҢАЛЫКЛАР

ЗАГС бүлегеннән хәбәр итүләренчә, узган ел районда 635 бала дөньяга килгән, 603 кеше вафат булган. 284 пар үзләренең никахларын теркәгән булса, 90 пар аерылышкан.

Район хәрби комиссариатыннан алынган мәгълүматларга караганда, көзге чакырылышта Кукмара районыннан сәламәтлеге яхшы, хәрби хезмәт узарга яраклы, дип табылган 85 егет хәрби хезмәткә алынды. Армиягә баручыларның күбесе урта һәм югары һөнәри белемле, “В”, “С” категорияләре буенча автомәктәптә укып, транспорт йөртү таныклыгы алган.

Бәйрәмнең беренче өлешендә гимназиянең Гөлфия Сәфәргалиева җитәкчелегендәге "Алтын битлек" театр төркеме куйган Яңа ел әкияте күрсәтелде. Икенче өлеш фойеда төрле кызыклы ярышлар, уеннар белән дәвам итте.

Вахит мәдәният йортында балалар өчен язучы Роберт Миннуллинның иҗаты һәм аның тормыш юлы белән танышу кичәсе үткәрелде. Әлеге чаралар балаларда әдәбиятка, туган якка карата мәхәббәт тәрбияләргә ярдәм итә.

Атлас Булатов исемендәге паркта мөселманнар арасында кышкы уен төрләре буенча спартакиада үтте. Анда катнашучылар канат тарту, чаңгы ярышында үзләрен сынады. Җиңүчеләргә бүләкләр тапшырылды, дип хәбәр итте Рәдиф хәзрәт Тимергалиев.

Нырты клубында КВН уеннарының сайлап алу туры үтте, дип яза “Наш Кукмор”. Бәйгедә Түбән Үрәс, Нырты, Ятмас Дусай, Зур Кукмара, Сәрдекбаш, Өркеш авыл җирлекләреннән килгән командалар көч сынашты.

Авыл җирлекләрендә узган елгы эш нәтиҗәләренә багышланган халык җыеннарының район башлыгы Сергей Димитриев катнашында узган беренечләре Лельвиж һәм Югары Чура җирлекләрендә булды.

Авыл җирлекләрендә үткән ел башкарылган эш нәтиҗәләренә багышланган халык җыеннары башланып китте. Бүген ул, беренчеләрдән булып, Березняк авыл җирендә үткәрелде.