ЯҢАЛЫКЛАР

Якташыбыз, Татарстанның мәдәният хезмәткәре, Татарстан язучылар берлегенең Шәйхи Маннур һәм Саҗидә Сөләйманова исемендәге әдәби бүләкләр лауреаты Рәниф Шәриповның “Җомга” дигән китабы басылып чыкты.

Өченче чакырылыш район Советының чираттагы унбишенче утырышының көн тәртибендә район Уставына үзгәрешләр кертү проекты ( II укылыш), районда муниципаль хезмәт турында район Советының 28.01.2013 елгы 2 санлы карары белән расланган Кагыйдәнамәгә үзгәрешләр кертү проекты, район территориясендәге җирләрдән файдалануларны муниципаль контрольдә тоту турындагы Кагыйдәнамәгә үзгәрешләр кертү, муниципаль предприятие, учреждениеләргә (оешмаларга) исем бирү, гражданнарның, оешмаларның һәм тарихи вакыйгаларның исемнәрен мәңгеләштерү максатындамуниципаль предприятие, учреждениеләр (оешмалар) исемнәрен үзгәртү, җирле үзидарә органнарында муниципаль норматив хокукый актлар реестрларын алып бару тәртибе һәм оештыру, район милек һәм җир мөнәсәбәтләре Палатасы рәисен билгеләү турындагы мәсьәләләр каралды.

Район Башкарма комитеты җитәкчесе Азат Гарифуллин Кукмарада яшәүче Галиуллина Сәкинә Галиулла кызын 95 яшьлек күркәм юбилее белән тәбрик итеп, Россия Президентының котлау открыткасын, район башлыгының Рәхмәт хатын, истәлек бүләге тапшырды.

Тат. Толлысы авылы китапханәчесе Гөлнара Хәсәнова башлангыч сыйныф укучылары өчен Экология елы кысаларында “Кошларга ярдәм итик” дип аталган экологик чара үткәрде. 

13 январь  көнне Мәмәшир авылы китапханәсендә “Нур”  клубына  йөрүче  өлкәннәр  белән   “Яңа ел белән дуслар!”  исемле кичә үткәрелде. 

14 нче январь көнне Березняк авылы мәдәният йортында авыл китапханәчесе Гөлшат Сабирзянова мәдәният йорты хезмәткәрләре белән берлектә яшьләр өчен татар халык уеннарыннан торган “Әбиләр дә яшь чагында, безнең кебек уйнаган” дигән ял кичәсе уздырдылар. 

15 январь көнне Татар Толлысы авылы китапханәчесе Гөлнара Хәсанова мәдәният йорты хезмәткәрләре белән берлектә 7-9 сыйныф укучылары өчен «Герои любимых сказок» дип аталган кроссворд- башваткыч уены үткәрделәр. 

12 январь көнне Манзарас авылы китапханәсе мәдәният йорты белән берлектә  искечә яңа ел каршылау кичәсе үткәрде. Кичә җыр –бию белән бергә үрелеп барды. 

14 нче январь көнне Ядегәр авылы китапханәчесе Диләрә Миннибаева 1нче сыйныф укучылары белән “Китап иленә сәяхәт” дип исемләнгән библиография дәресе үткәрде.