ЯҢАЛЫКЛАР

4,5, 6 март көнне Күкшел, Манзарас һәм Починок-Кучук авыл мәдәният йортларында "Театр күңел көзгесе" район балалар театр иҗаты конкурсының сайлап алу турлары булып узды, анда 20 ләп номер катнашты.

2019 елның 6 мартында Кукмара шәһәренең «Олимп» һәм Алабуга шәһәренең «Лесные пчелы» 2008 елгы командалары арасында хоккей буенча Татарстан Республикасы Беренчелеге  матчы узды «Олимп» файдасына 6:3 исәбе белән тамамланды.

6 март көнне А. Алиш премия лауреатлары китапларын укыйбыз акциясе кысаларында балалар китапханәсе китапханәчесе Алсу Багавиева 4б сыйныф укучылары өчен «Иң яхшыларын укырга вакыт» дип исемләнгән әдәби сәгать үткәрде. Балалар танылган татар язучылары – Р. Миңнуллин, Р. Бәшәр, Ф. Сафин, Й. иҗаты белән таныштылар. Шарапова, Ш. Галиева,  балалар өчен искиткеч әсәрләр иҗат иттеләр. Әңгәмә матур презентация белән үрелеп барды. Укучылар игътибарына «Иң яхшы китаплар» китап күргәзмәсе тәкъдим ителде. Бу китаплар хезмәт сөючәнлек игелеклелек хисе тәрбияләргә ярдәм итәләр, үз илеңне яратырга, кыю, гадел булырга өйрәтәләр. Соңыннан балалар шигырьләр сөйләделәр, викторина сорауларына җавап бирделәр, кроссворд чиштеләр. Балаларга бу авторларның кызыклы, һәм гыйбрәтле матур иллюстрацияле әсәрләре ошады. Чара мультфильмнар карау белән тәмамланды.

6 март көнне Кукмара үзәк китапханәсендә 8 Март  бәйрәме алдыннан китапханәче Пахомова Валентина Геннадиевна  «Современница” клубына йөрүче ханымнар өчен “Язгы букет” дип исемләнгән бәйрәм үткәрде. Сөйкемле ханымнар өчен бу көнне  җырлар, котлаулар, шаярулар яңгырады. Клубка йөрүчеләр күңелле конкурсларда, викториналарда катнаштылар, символик бүләкләр алдылар. Бәйрәм кичәсе чәй өстәле артында тәмамланды.

Югары кузмес авылы китапханәсендә 8 Март Халыкара хатын-кызлар көненә багышланган «Кадерле әниләр» дип исемләнгән әдәби-музыкаль сәгать үтте. Чара барышында балалар әнинең Җирдә иң матур сүз булуын, аларны ничек кайгыртырга һәм сакларга кирәклеген белделәр. Чарада әниләр турында шигырьләр һәм мәкальләр укыдылар, төрле конкурсларда катнаштылар:» “Баранки-бусы”, “Шарлар”,  “Нәрсә ул?”, "Хуҗалар бәйгесе», «Золушка" балалар әкиятләренең әсәрләре буенча викторинада катнашып, «Минем әнием» җыры белән тәмамланды.

“Иң яхшыларын укырга вакыт: А.Алиш исемендәге премия лауреатлары китапларын укыйбыз” Республика акциясе кысаларында балалар китапханәсе китапханәчесе Фирдания Закирова «Ләйсән» балалар бакчасында тәрбияләнүче балаларны А.Алиш премиясенә лаек булган язучылар белән ташыштырды. Танылган балалар язучылары – Ш. Галиев, Ф. Сафин, Й..Шарапова, Р. Бәшәр, Р. Миңнуллин, Р. Корбан иҗаты белән танышу электрон презентация ярдәмендә алып барылды. Балалар бу язучыларның гыйбрәтле һәм кызыклы хикәяләре, шигырьләре белән таныштылар. Й. Шәрәпованың "Зоопаркта" һәм Ф. Сафинның "Керпенең шәһәргә сәяхәт" китапларын балалар зур кызыксыну белән тыңладылар. Тыңлаганнан соң балалар бик теләп китапның иллюстрацияләрен карадылар, әлеге китаплар турында фикер алышуда актив катнаштылар. Чара китап күзәтү белән тәмамланды.

Май чабу атнасы бара, бу уңайдан Балдыкенә авылы китапханәчесе, борынгы традицияләрне саклап, кече сыйныф укучылары белән тасмалар җыйдылар. Гадәт шундый иде, безнең әниләр һәм әбиләребез балачакта Масленицага йортлар буйлап йөреп, тасмалар җыйдылар, аларны кызлар һәм малайлар иңнәренә бәйләделәр. Балаларга бу гадәти булмаган борынгы гореф-гадәт бик ошады, алар бик күп татлы призлар алдылар, әбиләре белән бергә Масленица такмаклары җырладылар.

Бәйрәм алдыннан Иске Юмья авылы китапханәсендә "Әңгәмәдәш» клубы катнашучылары өчен әзерләнгән «Хатын – кыз булу- бөек сәнгать» дигән бәйрәм программасы узды. Чарада бөек шагыйрьләрнең котлаулары, шигырьләре, җыр-биюләре яңгырады. «Хатын - кыз - шатлык, хатын-кыз-ана»дип исемләнгән китап күргәзмәсе тәкъдим ителде.

Бәйрәмне авыл җирлеге башлыгы Михайлов Николай Николаевич ачып җибәрде.

2019 елның 1 мартыннан 4 мартына кадәр Казан шәһәрендә «Зилант» спорт мәктәбе спортчысы һәм тренеры Альберт Шәңгәрәев (тренер Марес Бәдертдинов) 68кг авырлык категориясендә сугыш самбосы буенча Россия Чемпионатында катнашты һәм Испаниягә Европа чемпионатына юллама яулап, көмеш призер булды.