2015 елның 2 ноябрендә “Зилант” спорт комплексында 2002-2003 елда туган кызлар арасында баскетбол буенча Халыклар бердәмлеге коненә багышлапКукмара районыачык Беренчелек үтте. Беренче урында Зилант командасы, икенче урында – Лельвиж, өченче урында – Нырья командалары.
29 -31 октябрьдә Казан шәһәрендә самбо буенча Татарстан Республикасы Чемпионаты үтте. Шангараев Альберт (74 кг), Ибятов Карим (82 кг), Закиров Ильназ (57 кг) 2 урын, Закиров Булат (68 кг) 3 урынны яуладылар.
4 ноябрь көнне Казан шәһәрендә Муса Җәлил исемендәге опера һәм балет театры сәхнәсендә «Наш дом – Татарстан» фестиваленең Татарстан Республикасы Президенты катнашында Гала концерты узды. Бу концертта районыбыздан “Инвожо”, “Сактон”, “Зангари” удмурт фольклор ансамбльләре һәм яшь гармунчы Ильяс Шарипов катнашты. Президент Р.Н.Миннеханов “Инвожо” ансамбленең җитәкчесе Г.Ахметовка “Рәхмәт хаты”, “Зангари”, “Сактон” фольклор ансамбльләренә һәм Ильяс Шариповка дипломнар тапшырды.
4 ноябрьдә район мәдәният Йорты сәхнәсендә, Халыклар Бердәмлеге Көненә багышланган “Рәхмәт сиңа, җырым” дип исемләнгән Зур концерт үтте. Концертта районыбызның төрле төбәкләреннән килгән җырчылар катнашты. Район мәдәният Йорты каршында эшләп килүче “Акварелъ” бию төркеме, сәнгатъ мәктәбендә белем алучы балалар, “Лучезарная Казань” халыкара бәйгесе лауреатлары Анастасия Сабанчеева һәм Динара Галеева концертка аерым бер ямь өстәделәр. Һәрбер чыгышны зал тулы тамашачы бик җылы каршы алды.
Зур Сәрдек мәдәният йорты китапханәсендә балалар өчен Бердәмлек көненә һәм Татарстан туграсына багышланган видео-диспут уздырылды. Презентация авторы, китапханәче Наилә Шакирова эчтәлекле чыгыш ясады.
Тугыз төрле корылмадан торган әлеге мәйданчык озын гомерле булсын. Балаларны мәйданчыкка алып килегез, саф һавада уйнап, сәламәт булып үссеннәр!
Кукмара муниципаль районы “Шәфкать” тернәкләндерү үзәгендә инвалид балалар өчен “Урман аланында маҗаралар” исемле көз бәйрәме үткәрелде.Бәйрәм чарасында балалар көзге урманга әкияти сәяхәткә чыктылар. Урманда Убырлы Карчык һәм Кикимора, Төлке һәм Керпе кебек әкият геройлары белән очраштылар.
- 4 ноябрь – Халыклар бердәмлеге көне. Бердәмлек - бик зур көч ул. Бу төшенчә туплану, берләшү мәгънәсенә ия. Безнең районда татар, рус, удмурт, мари һәм башка милләт кешеләре элек-электән туганнарча аралашып, дус-тату гомер кичерәләр, бергәләшеп районның үсешенә үзләреннән өлеш кертәләр.
2015 елның 31 октябреннән алып 3 ноябренә кадәр Казан шәһәрендә балалар,яшүсмерләр һәм бәлигъ булганнар арасында “Нурлы Казан” исемле 7 нче Халыкара фестиваль-конкурс булып узды. Бу чарада Кукмара сәнгать мәктәбе укучылары да актив катныштылар. Конкурста Мәскәү, Санкт-Петербург, Уфа,Самара, Геленджик һ б. шәһәрләреннән катнашулар булган.
Кукмара муниципаль районының террорга каршы комиссиясенең чираттан тыш утырышы узды, анда “Халыклар бердәмлеге һәм Татарстан конституциясе көннәре уңаеннан бәйрәм чарарларына әзерлек һәм аларны үткәрү вакытында гадәттән тыш ситуацияләрне (террорчылык актларын) кисәтү һәм җәмгыять куркынычсызлыгын саклау буенча өстәмә чаралар турында сүз алып барылды.