ЯҢАЛЫКЛАР

Бәйрәмнәр бик күп, әмма һөнәри бәйрәм һәрхәлдә күңелгә якынрак. Шул өлкәдә тырыш хезмәт куйган өчен бүләк сыман ул. Бу көнне башкарылган эшләргә йомгак ясала, уңышлар барлана. Кукмара тегү фабрикасы хезмәткәрләре исә текстиль һәм җиңел сәнәгать хезмәткәрләре бәйрәмен куанычлы күрсәткечләр белән каршылый.

Райондашларыбыз Фәния һәм Ринат Бигеевларга уллары Рәмис хезмәт итә торган частьтан Рәхмәт хаты килгән.

Июнь – Малларга яфраказык һәм дару үләннәре җыю өчен иң кулай вакыт. Ел саен бу мөһим эшкә районыбызның барлык оешма-предприятие хезмәткәрләре дә кушыла. Быел да күмәк көч белән 236 мең пар миллек әзерләү бурычы куелды. Хуҗалыкларда һәм агрофирмаларда яфраказык хәзерләү башланды инде.

Мин күппрофильле лицейда 8нче сыйныфны тәмамлаганнан соң укуымны Саба районының Икшермә кадет интернат-мәктәбендә дәвам иттем. Сыйныфыбызда 11 укучы укый. Төрлебез төрле районнардан: Кукмара, Әтнә, Теләче, Мамадыш һәм Нократ Аланыннан булсак та, бик дус яшибез.

Казанда Татарстан мөселман хатын-кызлар иҗтимагый берлегенең икенче корылтае узды. “Мәрхәмәтлелек һәм тынычлык сөюче хатын-кызлар” девизы астында узган әлеге чарада Кукмара мөселман хатын-кызлар иҗтимагый берлеге рәисе Гөлсинур Аксанова җитәкчелегендәге делегация катнашты. Корылтайда “Остабикәләр” бәйгесе дә оештырылды. Бәйгедә уңышлы чыгыш ясаган райондашыбыз Гөлназ Хуҗинага мөслимәләр берлегенең Рәхмәт хаты һәм кыйммәтле бүләк тапшырылды.

Район башлыгы Рауил Рәхмәтуллин үткәргән дүшәмбе киңәшмәсендә авыл хуҗалыгында терлек азыгы җыю, игеннәрне урып-җыюга техниканы хәзерләү, терлек каралты-кураларын ремонтлау мәсьәләләре турында сөйләшенде. Ә төзелеш тармагында дәүләт программасы нигезендә төзелеш-ремонт эшләрен дәвам итү бурычы тора.

Моннан ике ел элек республикада “Халык контроле” дәүләт мәгълүмати системасы эшли башлады. Аның ярдәмендә һәркем үзенең моң-зарлары, теләк-тәкъдимнәре, проблемаларын төрле ведомстволарга җиткерә, кешеләр калдырган гаризаларга “ошый” (ошамый) тамгасын куя, ведомстволар чыгарган карарларны бәяли ала. Шунысын да искәртеп узарга кирәк: гариза калдырырга теләүче кеше uslugi.tatarstan.ru порталында теркәлгән булырга тиеш.

Руль артында йөрүче гүзәл затлар арасында “Автоледи” бәйгесен оештыру соңгы елларда аеруча матур традициягә әйләнде. Быел әлеге бәйге ЮХИДИ бинасы янындагы мәйданда 26 июньдә узачак. Туташ һәм ханымнарга дәүләт техник күзәтүе узу, автомобильдә фигуралы йөрү, юл йөрү кагыйдәләрен белү буенча үзара көч сынашу бурычы йөкләнәчәк.

“Бердәм Россия” сәяси партиясе инициативасы белән старт алган “Безнең кадерле ветеран” проекты кысаларында дәваханәләрдә сугыш һәм хезмәт ветераннары өчен уңайлы шартлар тудырылган палаталар булдыру бурычы куелган иде.

Тәмәй авылында яшәүче Хаҗиәхмәтова Әминә Нәҗми кызы шушы көннәрдә үзенең 90 яшьлек олы юбилеен билгеләп үтте. Юбилярны район социаль яклау бүлеге җитәкчесе Светлана Җамалиева, Мәмәшир авыл җирлеге башлыгы Илгиз Әхмәтҗановлар котлады.