ЯҢАЛЫКЛАР

Район Мәдәният йортында социаль яклау бүлеге хезмәткәрләре үзләренең һөнәри бәйрәмнәрен билгеләп үттеләр. Әлеге өлкәдә хезмәт куючыларны район башкарма комитеты җитәкчесе урынбасары Розалия Галиева, социаль яклау бүлеге җитәкчесе Светлана Җамалиевалар котлады.

14 июнь көнне Район Башлыгы Рауиль Рахматуллин Идел буе Болгарында Ислам динен кабул итүгә 1125 ел тулуына багышланган Изге Болгар җыены чараларында катнашты.

Сабантуйны бәйрәм итү кысаларында Татарстан Республикасы Дәүләт Советы рәисе урынбасары, “Бердәм Россия” партиясенең Татарстан бүлеге секретаре Ратникова Римма Атласовна Олыяз авыл җирлеге башлыгы Маликов Рамил Файзелхаковичка теннис өстәле алу өчен сертификат тапшырды.

12 июньдә күпмилләтле илебез үзенең төп дәүләт бәйрәмен – Россия көнен билгеләп үтә. Бәйрәмнең тарихы 1990 елдан – шул елның 12 июнендә РСФСР халык депутатларының беренче съезды Россиянең дәүләт мөстәкыйльлеге турында декларация кабул иткән көннән башлана. Бу көн Россия дәүләтчелегенә хас традицияләрне, аларның төрле гасырлардагы гәүдәләнешен чагылдыра, илнең гомуммилли бердәмлеге символы булып тора.

4 июнь көнне Кәркәвеч һәм Түбән Өскебаш авылы мәктәпләрендә Кукмара сәнгать мәктәбен тәмамлаучыларга таныклыклар тапшырдылар. Кәркәвеч авылыннан 8 бала, Түбән Өскебаш мәктәбеннән 2 бала таныклыклар алдылар.

3 июнь көнне Кукмара сәнгать мәктәбендә чыгарыдыш кичәсе узды. Быел сәнгать мәктәбен 72 бала тамамлады: 33- сәнгать бүлеге, 28 – музыка бүлеге, 2 – театр бүлеге, 9 – хореография бүлеге.

Күпьеллык намуслы хезмәте һәм Татарстан Республикасы промышленносте үсешенә керткән зур өлеше өчен Кукмара металл савыт-сабалар заводы коллективы Татарстан Речпубликасы Президентының Рәхмәт хаты белән бүләкләнде.

Иҗади үсеш һәм гуманитар белем бирү үзәгеннән алынган мәгълүматларга караганда, 2013-2014 нче уку елы нәтиҗәләре буенча район Башлыгы Рауил Рәхмәтуллин стипендиясенә лаек булган сәләтле укучылар исемлеге билгеле булган.

Кукмарада “Наркотикларсыз тормыш” акциясе бара. Аның кысаларында районыбызның белем бирү учреждениеләрендә, медицина хезмәткәрләрен һәм фельдшерларны чакырып, наркотиклар куллануның аяныч нәтиҗәләре, аларның законсыз әйләнеше өчен административ һәм җинаять җаваплылыгы каралуы турында укучылар белән сөйләшүләр үткәрелде.

Республикада игълан ителгән “Наркотикларсыз тормыш” айлыгы кысаларында “Тылсым” халыкка комплекслы социаль ярдәм күрсәтү үзәгендә 11 июнь көнне “Наркотик – бәла билгесе” дип аталган чара үтте. Әлеге чара барышында социаль хезмәткәр Гаптелганиева Ф.А. сәламәт яшәү рәвешен пропагандалау максатыннан әңгәмә үткәрде. Социаль педагог Ахмадеева М.Р. тарафыннан “Разум против наркотиков” дип аталган видеоролик күрсәтелде.