ЯҢАЛЫКЛАР

19 апрель көнне, Бөтенрусия “Язгы шәфкатьлелек атнасы” һәм Бөтенрусия донор көне кысаларында яшьләр эшләре һәм спорт, мәгариф Идарәләре, “Тылсым” халыкка социаль ярдәм күрсәтү үзәге тарафыннан “Спасая жизни” дип аталган акция үткәрелде. Элеге акциядә поселок мәктәпләре, Зур Кукмара һәм Манзарас авылы мәктәпләре укучылары катнашты.

Кукмара үзәк мәчетендә ай саен үткәрелә торган “Мөселманнар җыены” кысаларында чираттагы вәгазь кичәсе узды. Биредә Казанның “Ярдәм” мәчетеннән килгән Фәнис хәзрәт Мингәрәев катнашты.

2013 ел нәтиҗәләре буенча Туембаш авыл җирлеге башлыгы Илфат Гарипов “Муниципаль идарә өлкәсендәге иң яхшы хезмәткәр” конкурсында җиңү яулады, Диплом һәм акчалата премия белән бүләкләнде.

17 апрель көнне Кукмара №3 урта гомуми белем бирү мәктәбендә “Туган ягым – яшел бишек” төбәкара фәнни-гамәли укытучылар конференциясе узды. Конференция “ТАТМЕДИА” ААҖ, “Чын мирас” журналы редакциясе,Казан федераль университеты Идел буе төбәкара мәгариф хезмәткәрләренең квалификациясен күтәрү һәм яңадан әзерләү үзәге, Кукмара муниципаль районы башкарма комитеты мәгариф идарәсе тарафыннан әзерләнде.

Питрәч авылында Ю. Гагаринның якты истәлегенә һәм Бөек Җиңүгә багышланган 2000 елда туган малайлар командалары арасында баскетбол буенча Ачык турнир үтте. “Зилант” спорт мәктәбенең җыелма командасы икенче урын алды. Җиңүчеләрне һәм аларның тренерларын котлыйбыз, алга таба уңышлар телибез.

Телне һәм мәдәниятне саклау һәм Татарстан Республикасында яшәүче халыкарның традицияләрен торгызу, балаларны һәм яшьләрне милли мәдәни кыйммәтләргә якынайту, яшүсмерләр һәм балаларда толерантлык, милләтара хөрмәт тәрбияләү максатыннан 16 апрель көнне Арча шәһәрендә II Республикакүләм “Салават күпере” балалар һәм яшүсмерләр милли мәдәни фестивале үтте.

15-16 апрель көннәрендә район мәдәният йортында ветераннар (пенсионерлар) арасында III «Балкыш» Республикакүләм фестиваленең район сайлап алу туры узды. Әлеге чарада 130 дан артык хезмәт ветераны һәм пенсионер катнашты.

Ярминкәгә эш бирүчеләр – “Бөр” һәм “Кукмара” агрофирмалары, “Чиста шәһәр” оешмасы, “Зилант” спорт мәктәбе һәм Кукмара почтамты вәкилләре һәм эшсезлек буенча исәптә торучы 80нән артык кеше чакырылган иде.

“Россия почтасы”ның барлык бүлекчәләрендә, Бөек Ватан сугышында Җиңүнең 69 еллыгы уңаеннан, инде традициягә әверелгән “Якташлар хөрмәте” социаль акциясе старт ала.

Республика яшүсмерләр китапханәсе 1 июньгә кадәр Чыңгыз Айтматовның тууына 85 ел тулу уңаеннан “Чыңгыз Айтматов: язучы, акыл иясе, гуманист” дигән республика конкурсы уздыра.