ЯҢАЛЫКЛАР

29 март көнне Казан федераль университеты филология һәм мәдәниятара коммуникацияләр Институты дизайн һәм сәнгать кафедрасында гомуми урта белем бирүче мәктәпләрнең 9-11 сыйныф укучылары арасында “Дизайн” дисциплинасы, урта һөнәри белем бирүче учреждение укучылары арасында “Рәсем” дисциплинасы буенча олимпиада үткәрелде.

28-29 март көннәрендә Саба штп. Гимназиясе базасында үткән “Ел укытучысы-2014” Бөтенрусия конкурсының зона этабында Кукмара районы данын Фазлиева Л.Д. (Манзарас авылы мәктәбе), Муллахметова Г.Ф. (Кукмара А.М. Булатов исемендәге куппрофильле лицее), Низамова Н.И. (Кукмара №4 мәктәбе) якладылар. Шулай ук Саба, Теләче, Балтач, Арча, Әтнә районнарыннан барлыгы 17 укытучы катнашты.

Төзелеш тармагында да эш темпы арта. Дәүләт программалары нигезендә Кукмара поселогында, Аш-Буҗи, Зур Сәрдек авылларында балалар бакчалары, Иске Юмья, Үрәсбаш авылларында фельдшер-акушерлык пунктлары, Сәрдекбаш, Пычак авылларында полиция йортлары, Зур Кукмарада мәдәният йорты салына. Күпкатлы йорт төзелешләре дәвам итә.

30 март көнне Казан шәһәрендә  мәктәп укучылары арасында гади авиамодельләр буенча шәхси-команда ярышлары узды. Әлеге ярышларда Манзарас, Починок Кучук, Починок Сутер авылы мәктәпләре командалары катнашты. Укучылар ике номинациядә көч сынаштылар: “Муха” верталеты һәм “Стандартная” авиамоделе. Безнең район командалары 48 команда арасында 12, 13, 20 урыннарны алдылар. Безнең район вәкилләре соңгы елларда беренче тапкыр  техник иҗатның авиамодель төре буенча ярышларда катнаштылар. Алга таба башка мәктәпләр дә техник иҗатның бу төре белән шөгылҗләнә башларлар дип ышанып калабыз.

“Зилант” балалар һәм яшүсмерләр спорт мәктәбе укучысы Иванов Эдуард (тренеры Галеев Ленар) бокс буенча Татарстан Республикасы Чемпионатында 3 урынга лаек булды. Давлетшин Инсаф Арчада үткән ФСО “Динамо” призына үткән Бөтенрусия турнирында җиңү яулады. Эдуард белән Инсафны югары нәтиҗәләре белән котлыйбыз, уңышлар телибез.

1 апрель көнне район Советының кече залында Район Башлыгы Рауил Рахматуллин подряд оешмалары җитәкчеләре белән 2014 елгы төзелеш, ремонт һәм реконструкция буенча киңәшмә үткәрде. Киңәшмәдә район Советы һәм Башкарма комитетның җаваплы вәкилләре катнашты.

Беренче апрельдән Татарстанда санитар-экологик икеайлык башланып китте. Аның максаты – шәһәр һәм муниципаль район территорияләрен чистарту, аларны кирәкле санитар-экологик халәткә китерү.

Бүген район мәдәният йортында участок сайлау комиссияләре өчен укулар оештырылды. Укуларга участок сайлау комиссияләренең рәисләре, урынбасарлары, сәркатибләре, авыл советы башлыклары, аларның сәркатибләре чакырылган иде.

Язгы каникуллаа чорында “Кояшкай” приютында тәрбияләнүче балаларны китапханәгә чакырдылар. Югары яшьтәге балалар “Чишмәләрнең тереклек көче” дип аталган экологик сәгатьтә катнаштылар, “Тереклек суы” дип аталган 3D форматында фильм карадылар.

29 март көнне “Кояшкай” социаль приютында “Туган як сукмаклары буйлап” дип аталган конкурс-сәяхәт үткәрелде. Залга табигатькә һәм аның язмышына карата битараф булмаган балалар җыелды. Алар җәнлекәр, кошлар, туган ягыбызның үсемлекләр дөньясы турында сөйләштеләр.