ЯҢАЛЫКЛАР
“Россия юристлары Ассоциациясе” гомумрусия җәмәгать оешмасы тарафыннан 2011 елдан башлап Россиякүләм бушлай юридик ярдәм күрсәтү көне үткәрелә. Россия конституциясе көне район нотариусты Валиев Рафил хокук грамотлылыгы дәресе үткәрде.
Бүген икенче чакырылыш Кукмара район Советының утыз икенче сессиясе булды.
Район Башлыгы Рауил Рахматуллин кукмаралыларны Россия Федерациясе Конституциясе кабул ителүнең 20 еллыгы белән тәбрик итте.
- Конституция гражданнарның хокукларын һәм ирекләрен гамәлгә ашыруда, җәмгыятьтә социаль-сәяси тотрыклылык саклауда төп гарант булып тора. Аның кысаларында җәмгыятебезнең икътисадый нигезе ныгыр, шәхси хокуклар сакланыр, күпмилләтле илебездә тынычлык-иминлек хөкем сөрер дип ышанабыз.
Кукмара балалар сәнгать мәктәбенең “Art-valenok” остаханәсендә шөгыльләнүче укучыларының киез эшләнмәләре “Ватан” республикакүләм халык иҗаты фестивалендә беренче урынны алды. “Voilok-Fashion” студиясе кызлары Евгения Кузьмина, Елена Демьянова әзерләгән балалар костюмнары да яшь дизайн һәм модельерлар конкурсында беренче дәрәҗә лауреат булды.
“Рассвет” агрофирмасы базасында терлекчелек тармагының 11 айлык эш нәтиҗәләренә багышланган семинар-киңәшмә үткәрелде. Семинарда катнашучылар Нырья фермасында хезмәтне оештыру, терлек асрау технологиясе, ашату тәртибе белән таныштылар.
6 декабрь көнне Казан шәһәренең Халыклар дуслыгы йортында республикакүләм татарча КВНның финал уеннары узды. Анда ярымфинал уеннарында җиңгән иң көчле 4 команда катнашты: Кукмара районыннан “Гаптери акчалары, Биектау районыннан “Биектау кәрләләре”, Бөгелмә районыннан “Әйбәт”, Мөслим районыннан “Чуер таш” ” командалары. Финал конкурсы нәтиҗәләре буенча “Гаптери акчалары” командасы икенче урынга чыкты. Егетләрне һәм кызларны җиңүләре белән котлыйбыз, иҗади уңышлар телибез!