ЯҢАЛЫКЛАР

21 апрель көнне С.В. Михалков исемендәге үзәк балалар китапханәсе, «Ромашка» балалар бакчасы белән берлектә, татар шагыйре Габдулла Тукайның тууына 136 ел тулу уңаеннан «Йөрәкләрдә Тукай эзләре, күңелләрдә Тукай күзләре» дип исемләнгән шигырь конкурсы үткәрде. Конкурста Вахит, Олыяз, Починок-Шәмәрдән, Ядегәр авыллары балалар бакчаларының төрле яшьтәге төркем балалары һәм «Ромашка» балалар бакчасының мәктәпкә әзерлек төркеме балалары катнашты. Иң элек китапханәче Закирова Фирдания балалар өчен китапханә буенча экскурсия үткәрде.

Кыска гына гомер кичереп, Тукай татар халкы өчен үлемсез мирас калдырды, аның яртысын диярлек балалар әдәбияты алып тора. Фирдания Фирдинант кызы балаларга презентация күрсәтте, шагыйрьнең авыр балачагы, аның тормышы һәм иҗаты турында сөйләде.

Балалар зур осталык белән туган телгә, туган якка, аның табигатенә багышланган шагыйрьнең шигырьләрен сөйләде.

Конкурс нәтиҗәләре буенча жюри нәтиҗә ясады. Балалар китапханәсе исеменнән конкурста катнашучыларга грамоталар тапшырылды. Чара ахырында балалар “Шурале”, “Эш беткәч уйнарга ярый” мультфильмнар карады һәм барысы бергә “Туган тел” җырын башкарды.

#136летсоднярожденияГабдуллыТукая

#ВесенняяНеделяДобра; #ДобрыйТатарстан; #ТвориДобро

22 апрель көнне Кукмара үзәк китапханәсендә Зур Кукмара урта мәктәбенең 8 нче сыйныф укучылары белән берлектә, Габдулла Тукайның туган көне уңаеннан, “Яздан аерып булмый Тукайны” дигән әдәби сәгать үтте.

Китапханәче  Саттарова Лилия Рәис кызы шагыйрьнең тормыш юлы иҗаты, аның турында кызыклы фактлар  белән кыскача таныштырып китте, Тукайның шигырьләрен укыды. Шулай ук кичәдә “Салават күпере” иҗат берләшмәсенә йөрүче якташ язучылар үзләренең Тукайга, туган телгә багышланган шигырьләре укыдылар. Кичәдә электрон презинтация күрсәтелде. Г.Тукай тормышы һәм иҗаты турында китап күргәзмәсе эшләде. Әлеге чара Г. Тукайның “Туган тел” җырын бергәләп башкару белән тәмамланды. 

21 апрель көнне Үзәк китапханәдә «Современница» хатын-кызлар клубының чираттагы очрашуы узды. Клуб җитәкчесе Пахомова В.Г. «Петр 1 һәм аның данлы эшләре» дигән квест-уен үткәрде. Уен дәвамында чарада катнашучылар ике командага бүленде һәм маршрут кәгазе буенча станциядән станциягә күчтеләр, анда логик биремнәр үтәделәр, пазл җыйдылар, ребуслар чиштеләр, Петр 1 һәм аның данлыклы эшләре турында викторина сорауларына җавап бирделәр.

Бәйрәм чаралары иртәнге сәгать 8дә башлана.

Алар 8 юнәлеш буенча үзләренең күнекмәләрен һәм осталыкларын күрсәтте.

Эшкә урнашкан һәр граждан медицина хезмәте һәм даруларга түләүле дәваланып, дарулар сатып алган очракта, чыгымнар буенча салым тотып калынуын ала ала.

25 апрельдән 15 майга кадәр коры үлән һәм чүп яндыру, ачык утта ризык әзерләү, шул исәптән мангалда шашлык кыздыру тыела.

21 апрель көнне хезмәт күрсәтү бүлеге баш китапханәчесе Гарипова Л.Д., 4 нче урта мәктәпнең 8-9 нче сыйныф укучылары өчен, Чернобыль фаҗигасенә 36 ел тулу уңаеннан, «Чернобыль турында дөреслек» дигән электрон презентация белән әңгәмә-мәглүмат үткәрде. Чара барышында Лилия Дамировна һәлакәтнең масштабы, авария урынында радиацион зарарлануларны бетерү эше, радиациядән зыян күргән кешеләр һәм аларның язмышлары турында сөйләде.

Кукмара муниципаль районындагы мөмкинлекләре чикләнгән балалар һәм яшүсмерләр өчен «Милосердие» реабилитация үзәгендә  шәфкать туташы Гайнанова Дамира Газиз кызы «Энтеробиоз» темасына тернәкләнү узучы балалар белән «Медицина сәгате»уздырды.

Хөрмәтле җирле үзидарә органнары хезмәткәрләре, муниципаль хезмәт ветераннары, җирле дәрәҗәдә идарә итү процессын оештыру белән бәйле депутатлар, сезне җирле үзидарә көне белән котлыйбыз!