ЯҢАЛЫКЛАР

Вахитов исемендәге хуҗалыкта ун айлык эш нәтиҗәләренә багышланган семинар-киңәшмә  үткәрелде. Бу чарада катнашкан район җитәкчелеге, хуҗалык җитәкчеләре, җирлек башлыклары вахитлеләрнең мал утарлары, терлекләрнең азык белән тәэмин ителеше, техник базасы, ремонт барышын  белән танышты. Пленар өлештә исә нәтиҗәләр ясалып, бурычлар билгеләнде.

Бүген терроризм һәм экстремизмга каршы көрәш буенча район комиссиясенең чираттан тыш киңәйтелгән утырышы үткәрелде. Анда терактлар нәтиҗәсендә илебездә һәм Европа илләрендә туган кискен хәл уңаеннан, терроризмга каршы кичекмәстән чаралар күрү мәсьәләләре каралды. Районда бу юнәлештә башкарылучы эшләр, оешма-предприятие җитәкчеләре алдында торган бурычлар турында район эчке эшләр бүлеге начальнигы Рамил Нургалиев чыгыш ясады. Утырышны район башлыгы Сергей Димитриев алып барды.

14 ноябрь көнне Ош. Юмья авыл клубында Поч. Кучук авыл клубы белән берлектә “Яшьләргә юл һәркайда ачык” дип аталган КВН үткәрелде. Командалар үзләренең осталыкларын күрсәттеләр: җыр, бию, уен-көлке... Җиңүче булып Поч. Кучук авылының “Яшь буын” командасы табылды. Уенда катнашучылар, тамашачылар да күтәренке кәеф, яхшы энергия алдылар

14 ноябрь көнне Кукмара районы үзешчәннәре Балтач мәдәният йортында “Их Кукмара, Кукмара, ерагаймасын ара” дип исемләнгән концерт программасы белән чыгыш ясап кайттылар. Ызандаш районнар белән ныграк аралашу, бер-береңнең иҗатын, сәләтен якыннанырак күрү максатыннан үткәрелә торган концертлар үткәрү матур бер традицияга керде. Концертта районыбызның җырчылары, биючеләре, “Баламишкин”, гармунчылар ансамбле чыгыш ясады.

Күкшел мәдәният йортында авылның үзешчән шагыйрәсе Люция Халиуллинаның «Гомерләр ике килми» дип исемләнгән иҗат кичәсе булып үтте. Аның шигырьләрендә туган якка, туган авылга, әнкәйләргә мәдхия җырлана. Кичәдә шагыйрәнең шигырьләре укылды, җырлы - биюләр, уеннар уйналды Һәм өлкәннәр белән әкиятләр куелды.

Зур Кукмара авылында яшәүче Гимадиев Ислам Имановичка 90 яшь тулды. Юбилярны район Башлыгы урынбасары Равия Каримулина, социаль яклау бүлеге начальнигы Светлана Замалиева котлады. Аңа Россия Федерациясе Президентының котлау хатын, район Башлыгының  Рәхмәт хатын, истәлек бүләге тапшырдылар, бәхетле озын гомер, ныклы сәламәтлек теләделәр.

13 ноябрь көнне “Шәфкать” тернәкләндерү үзәгендә   Бөтендөнья юл һәлакәте корбаннарын искә алу көне кысаларанда инвалид балалар өчен “Күңелле сәяхәтче” дип аталган, юл йөрү кагыйдәләрен өйрәнүгә багышланган чара үткәрелде.   

12 ноябрь көнне ОСПСиД хезмәткәрлзре Парклар һәм скверлар  елы кысаларында Кукмара №4 мәктәбе укучылары өчен саф һавада сәламәт яшәү образын пропагандалау максатыннан “Стартландия” дип аталган спорт уеннары үткәрелде.  

Башкарма комитет җитәкчесе Азат Гарифуллин Кукмара бистәсендә яшәүче Мизипова Мөгәзимә Галиәскәр кызын 90 яшьлек юбилее белән котлады, Россия Федерациясе Президентының котлау хатын, район Башлыгының  Рәхмәт хатын, истәлек бүләге тапшырдыл, бәхетле озын гомер, ныклы сәламәтлек теләде.

Район Башлыгы урынбасары Равия Каримуллина  һәм социаль яклау бүлеге начальнигы Светлана Замалиева Уразай авылында  яшәүче Ибраһимова Гөлбану апаны 90 яшьлек юбилее белән котладылар.  Аңа Россия Федерациясе Президентының котлау хатын, район Башлыгының  Рәхмәт хатын, истәлек бүләге тапшырдылар, бәхетле озын гомер, ныклы сәламәтлек теләделәр.