ЯҢАЛЫКЛАР

Район Советында террорга каршы көрәш комиссиясенең чираттагы утырышы үткәрелде. Поселок һәм авыл җирлекләрендә җәмәгать җәмәгать куркынычсызлыгын тәэмин итү һәм террорлык актларын кисәтү буенча өстәмә чаралар турында район эчке эшләр бүлеге начальнигы Рамил Нургалиев, район гадәттән тыш хәлләр идарәсе хезмәткәре Эльмир Хәбибрахманов, Кукмара һәм Балтач районнарының янгын күзәтчелеге бүлеге инспекторы Нурфат Яппаровлар чыгыш ясады.

Россиянең Татарстан Республикасы буенча 10нчы районара Федераль салым хезмәте инспекциясе 27 һәм 28 мартта салым түләүчеләр – физик затлар өчен “Ачык ишекләр көне” акциясе үткәрә. Әлеге чара кысаларында теләге булган һәркемгә 2015 елгы декларация кампаниясе турында күбрәк белергә һәм физик затларның керемнәренә салым буенча декларация (3НДФЛ) тутыру турында практик киңәшләр алырга мөмкин булачак.

18 мартта Ч.Т. Айтматов исемендәге 1 нче номерлы гимназиянең башлангыч сыйныф укучылары район Үзәк китапханәсендә экскурсиядә булдылар. Китапханәчеләр Баһавиева А.Р., Гайнутдинова Н.Ш. аларны яңа кайткан китаплар белән таныштырдылар, журналларга күзәтү ясадылар. Әлеге экскурсиядә 49 бала катнашты.

15 мартта Зур Кукмара авылы китапханәсендә Бөтендөнья наркобизнес һәм наркоманиягә каршы көрәш көне уңаеннан “Наркомания – афәт ул” дигән әңгәмә үтте. Китапханәче Хазиева Г.Г. 11 сыйныф укучыларына наркоманиянең зыяны турында сөйләде, мисаллар китерде, килеп чыгу, таралу сәбәпләрен аңлатты.

Район Үзәк китапханәдә 17 март көнне «Только памятью, война возвращайся!» дип исемләнгән китап күргәзмәсенә күзәтү булды. Китапханәче Багавиева А.Р. беренче сыйныф укучыларын Бөек Ватан сугышы турында язылган китаплар, шул чор язучылары белән таныштырды, районыбызның геройлары турында сөйләде.

20 мартта, халыкка бушлай юридик ярдәм күрсәтү проектын тормышка ашыру уңаеннан, республикабызның Кукмара нотариаль округы нотариуслары, район прокуроры һәм адвокатлары тарафыннан халыкка бушлай юридик ярдәм күрсәтүнең Бердәм Көне үткәрелә. Түбәндәге адрес буенча мөрәҗәгать итәргә:

Кукмара поселогы, Ленин урамы, 15, район Башкарма комитеты бинасы, 1кат, “бердәм Россия” партиясенең җәмәгатьчелекне кабул итү бүлмәсе.

Кабул итү графигы:

8.00-9.00 нотариус Вәлиев Рафил Кавый улы

9.00-10.00 нотариус Миндубаева Роза Ногман кызы

10.00-11.00 нотариус Шайдуллина Вәсилә Хамбал кызы

11.00-14.00 адвокат Вәлиева Рәйсә Наил кызы

14.00-16.00 прокурор Нәҗипов Минемулла Миннерахман улы

Белешмәләр өчен телефон: 2-65-14

Бөтендөнья кулланучылар хокукларын яклау көне уңаеннан Татарстанның Дәүләт алкоголь инспекциясе һәм кулланучылар хокукларын яклау буенча Арча төбәкара бүлеге хезмәткәрләре Татарстан буенча “Роспотребнадзор” идарәсенең Мамадыш, Саба, Кукмара районнары төбәкара белгечләре белән берлектә Кукмара аграр көллиятендә студентлар белән очраштылар.

21 мартта Кукмара янгын часте һәм “Зилант” спорткомплексы арасындагы мәйданчыкта “Россия гадәттән тыш хәлләр министрлыгының Татарстан Республикасы буенча баш идарәсенең 2015 елда автомобиль транспортындагы гадәттән тыш хәлләрнең нәтиҗәләрен бетергәндә авария-коткару эшләре үткәрү буенча иң яхшы командасы” исеменә республика ярышлары үткәрелә. Биредә республиканың беренче этабында – зона ярышларында җиңгән иң көчле 9 команда катнашачак. Башлана 10 сәгатьтә.

Кукмара районы командасы Яшел Үзән шәһәрендә үткән Татарстан Республикасы муниципаль хезмәткәрләр спартакиадасында катнашты. Команда составында Гайнутдинов Фәнис, Халиуллин Илһам, Камалова Светлана, Низамова Диляра бар иде.

Нырья урта гомуми белем бирү мәктәбендә спорт ветераны В. Кузьмин истәлегенә биотлон буенча ярышлар узды. 1 урында- Нырья, 2 урында- Сәрдекбаш, 3 урында Ош. Юмья мәктәбе командалары калды.