ЯҢАЛЫКЛАР

1 июнь - Балаларны яклау көнендә «Халыклар китаплар белән дус» проекты кысаларында С.В. Михалков исемендәге балалар китапханәсендә «Милли палитра» фестивале ачылды. Фестивальнең максаты - балаларда мәдәнияткә, телгә, гореф-гадәтләргә хөрмәт тәрбияләү.

Бу көнне «Галактика» балалар иҗаты үзәгенең актлар залында, балалар сәнгать мәктәбендә, район мәдәният йортында һәм Комсомол мәйданында: Россия балалар язучысы, педагог, тәрҗемәче, Мәскәү язучылар берлеге әгъзасы Наталья Волкова, Россиянең атказанган артисты Андрей Межулис, Россия Федерациясенең атказанган артисты Лидия Музалева, Россиянең Атказанган рәссамы Ирина Маковеева белән иҗади очрашулар узды.

Бәйрәмдә Россия мәдәният фондының «Бүген - балалар, иртәгә - халык» проекты җитәкчесе Ольга Ивановна Буцкая «Поэзия чикләрне белми» шигырь укучылар конкурсында катнашучыларны, «Сергей Михалковны туган телдә укыйбыз» Россия Мәдәният Фонды проектында катнашучыларны котлады.

#ГрантПравительстваРеспубликиТатарстандляподдержкипроектов творческихколлективовмуниципальныхучрежденийкультурыиискусства

#Российскийфондкультуры

  Кукмара муниципаль районының «Милосердие» мөмкинлекләре чикле балалар һәм яшүсмерләр өчен тернәкләндерү үзәгендә балаларны яклау көненә багышланган «Матур балачак илендә" дигән темага асфальтта рәсем конкурсы узды.

Кукмара муниципаль районындагы мөмкинлекләре чикләнгән балалар һәм яшүсмерләр өчен «Милосердие» реабилитация үзәгендә Балаларны яклау көненә багышланган чараларны һәм «Инвалид балалар өчен курчак театры» проектын тормышка ашыру кысаларында 31 май көнне балалар өчен «Куркуның күзләре зур»  курчак театры күрсәтелде

Халыкара балаларны яклау көне уңаеннан Казан шәһәрендә Татарстан халыкларының традицион уеннарының II төбәкара "Uen Fest" фестивале узды. Республиканың төрле почмакларыннан килгән 15 коллектив арасында кукмаралылар да бар иде. Фестиваль нәтиҗәләре буенча Вахит мәдәният йортының "Тургай" төркеме - лауреат исеменә, Югары Шөн авылында эшләп килүче "Инвожо" фольклор ансамбле Гран-Прига лаек булды һәм Сочи шәһәренә юллама белән бүләкләнде.

Тәҗрибә күрсәткәнчә, күпчелек сатып алучылар товарны сатып алганнан соң чеклардан арыналар
яки гади югалта. Әмма тиздән товарның нинди дә булса буенча килмәвен аңларга мөмкин
Параметрларга яки анда җитешсезлекләр бар.

1 нче июнь көнне уку залы китапханәчесе Салимова Т.Х., социаль  ярдәм үзәге  “НАЗ” да ял итүче  пенсионерлар өчен, шагыйрь, күп кенә популяр җырлар авторы Рөстәм Зәкуановның тууына 65 ел тулу уңаеннан “Безнең Зәкуан!” дип исемләнгән әдәби сәгать үткәрде.

Китапханәче шагыйрь Р. Зәкуанның тормыш юлы һәм иҗаты белән таныштырды. Чара барышында ял итүчеләр бик теләп  Р.Зәкуан шигырьләрен укыдылар. Биредә дәваланучы Ясирә Гарифуллина шагыйрь белән аралашкан ханым буларак, истәлекләре белән уртаклашты, Рөстәм Зәкуан сүзләренә язылган “Юк,юк,язмыш” дигән җырны башкарды.

31 май көнне Бөтендөнья тәмәкесез көн кысаларында авыл мәдәният йортлары һәм авыл клублары хезмәткәрләре фельдшерлар белән берлектә әңгәмәләр, түгәрәк өстәлләр, видеороликлар һәм презентацияләр күрсәттеләр, буклетлар тараттылар.

"Сабантуй-2012" бәйрәмен үткәрү өчен кирәк-яраклар җыю графигы
Кукмара ш.

Бөтендөнья тәмәкесез көн кысаларында уку залы китапханәчесе Заһидуллина Г.Ф. 3 нче урта мәктәпнең 8 «В» сыйныф укучылары өчен «Тәмәке тарту модада түгел- иркен сула” дигән танып-белү сәгате үткәрде. Катнашучылар, тәмәке тартуның куркыныч нәтиҗәләре, тәмәке тартучының үзенә генә түгел, әйләнә-тирәдәгеләргә дә зыян китерүе турында белделәр.

2012 елның 31 маенда тренер Анастасия Григорьева үз тәрбияләнүчеләре арасында « Һәрвакыт булсын кояш!» балаларны яклау көненә багышланган чара.