ЯҢАЛЫКЛАР

26 апрель көнне район мәдәният йортында Чернобыль АЭСындагы авариядә  һәм башка һәлакәтләрнең нәтиҗәләрен бетерүдә катнашучылар һәм әлеге аварияләр һәм һәлакәтләр корбаннарын искә алу көненә багышланган тематик кичә булып узды. Кичә барышында Чернобыль АЭСындагы аварияне бетерүдә катнашкан якташларыбыз белән очрашу булды. Тематик өлештән соң «Чернобыль»дигән нәфис фильм күрсәтелде.

26 апрель көнне район мәдәният йорты сәхнәсендә Г.Тукайның туган көненә һәм Туган тел көненә багышланган "Тукайны укыйбыз" район бәйгесе узды. Бәйгедә туксаннан артык башкаручы һәм нәфис сүз осталары катнашты.

26 апрель көнне Үзәк китапханәдә Чернобыль һәлакәте корбаннарын искә алу көненә багышланган түгәрәк өстәл узды. Катнашучыларның сорауларына  Кукмара муниципаль районы Башкарма комитет җитәкчесе Гарифуллин А.Х., Җамалиева С.В., Төхбәтуллин М. Г., Садыкова Р. Р, Хакимова Р.Т., җавап бирде.

"Георгий тасмасы" акциясе шундый девиз астында узды.
Георгий тасмасы-Җиңү символы. Миллионлаган кешеләр өчен Россиядә генә түгел, чит илләрдә дә Георгий тасмасы хәтер, буыннар бәйләнеше һәм хәрби дан символы булып тора. Кызганычка каршы, кайбер илләрдә әлеге символны күрсәтүне тыю тенденциясе барлыкка килде.

Район мәдәният йорты хезмәткәрләре "Язгы игелек атнасы" #Язгы игелек атнасы #ДОБРЫЙТАТАРСТАН #ДОБРЫЙТАТАРСТАН # ДОБРЫЙТАТАРСТАН " Бөтенроссия иреклеләр акциясенә кушылдылар

Кукмара муниципаль районындагы мөмкинлекләре чикләнгән балалар һәм яшүсмерләр өчен «Милосердие» реабилитация үзәге тәрбиячесе Хәкимуллина Г.Р балаларда вак һәм гомуми моториканы үстерү ысулларына багышланган «Сәламәтлек безнең кулда» дигән консультация үткәрде.

25 апрель көнне С.В.Михалков исемендәге балалар китапханәсендә бердәм иммунизация атнасы һәм халыкның йогышлы авыруларны кисәтүдә иммунизациянең мөһимлеге турында белемнәрен күтәрү кысаларында кече яшьтәге мәктәп укучылары өчен «Иммунизация кеше гомерен саклап кала» дигән видеоролик күрсәтелде.

Кукмара муниципаль районындагы мөмкинлекләре чикләнгән балалар һәм яшүсмерләр өчен «Милосердие» реабилитация үзәгендә «Юл йөрү кагыйдәләре» дигән танып-белү дәресе  уздырылды.

25 апрель көнне С.В.Михалков исемендәге балалар китапханәсендә «Георгий тасмасы» Бөтенроссия акциясе кысаларында «Аларның исемнәрен хәтерлә» дип исемләнгән батырлык дәресе узды. Анда А.М.Булатов исемендәге күппрофильлле лицейның 3в сыйныф укучылары катнашты. Китапханәче Гөлфия Хафизова балаларга  Бөек Ватан сугышы турында сөйләде. Алар яшь геройларның тылда, партизаннар отрядларында һәм сугышта булган батырлыклары турында зур игътибар белән тыңлады. Чара ахырында катнашучылар сугышта һәлак булган геройларны бер минут тынлык белән искә алдылар. Шулай ук укучылар өчен китап күргәзмәсенә күзәтү үткәрелде, анда Бөек Ватан сугышы турында балалар әдәбияты тәкъдим ителде. Чара ахырында барлык балаларга Георгий тасмалары таратылды.

# ВсероссийскаяакцияГеоргиевская ленточка

25 апрель көнне С.В. Михалков исемендәге үзәк балалар китапханәсе, «Ромашка» балалар бакчасы белән берлектә, татар шагыйре Габдулла Тукайның тууына 136 ел тулу уңаеннан «Без - Тукайлы балачактан» дип исемләнгән рәсем конкурсы үткәрде. Конкурста Вахит, Олыяз, Починок-Шәмәрдән, Ядегәр авыллары балалар бакчаларының төрле яшьтәге төркем балалары һәм «Ромашка» балалар бакчасының мәктәпкә әзерлек төркеме балалары катнашты.

Китапханәче Фирдания Закирова балаларга Г.Тукайның балачагы, мәдрәсәдә уку һәм тормыш еллары турында сөйләде. Әңгәмә презентация белән үрелеп барды. Соңыннан балалар Тукай әсәрләре буенча ясаган  рәсемнәрен күрсәтте. Балалар үзләренең яраткан әкият геройларын яратып сурәтләгән.

Конкурс нәтиҗәләре буенча жюри нәтиҗә ясады. Балалар китапханәсе исеменнән конкурста катнашучыларга грамоталар тапшырылды.

#136летсоднярожденияГабдуллыТукая

#ВесенняяНеделяДобра; #ДобрыйТатарстан; #ТвориДобро