ЯҢАЛЫКЛАР

«Язгы игелек атнасы» акциясе кысаларында С.В. Михалков исемендәге балалар китапханәсендә «Шатлык» балалар бакчасында тәрбияләнүче балалар өчен китапханәче Фирдания Закирова “Яхшылык илендә” дип исемләнгән уен программасы үткәрде. Ул балаларга изгелек һәм әдәплелек турында сөйләде. Соңыннан балалар яхшылык иленә сәяхәт итте, анда балалар игелеклелек кагыйдәләрен, яхшылык турында мәкальләр һәм әйтемнәр искә төшерде, китаплар белән танышты.

Чарадан Фоторепортаж.

 18 апрель көнне С.В. Михалков исемендәге балалар китапханәсе китапханәчесе Фирдания Закирова «Шатлык» балалар бакчасында тәрбияләнүче балалар өчен татар шагыйре Габдулла Тукайның тууына 136 ел тулуга багышланган «Шигъриятнең якты йолдызы» дип исемләнгән әдәби бәйрәм үткәрде. Ул балаларга шагыйрьнең авыр балачагы, яшьлеге һәм иҗаты турында сөйләде, китаплары белән таныштырды. Аның әсәрләре балаларны матурлыкка, яхшылыкка, хезмәт сөючәнлеккә өйрәтә. Презентация күрсәтелде. Бу чарага балалар һәм аларның әти-әниләре ярдәме белән Габдулла Тукай әсәрләре буенча кул эшләнмәләре әзерләнде. Аннан соң мәктәпкәчә яшьтәге балалар шагыйрьнең шигырьләрен укыдылар. Чара ахырында «Туган тел» җыры башкарылды.

Европа иммунизация атнасы кысаларында «Татарстан Республикасында(Татарстан) гигиена һәм эпидемиология үзәге "федераль бюджет сәламәтлек саклау учреждениесенең Кукмара районы бүлекчәсе белгечләре 18-29 апрель көннәрендә вакцинопрофилактика буенча "кайнар линия" үткәрәләр

16 апрель көнне Починок Сутер авыл клубында "Эктон дыр" V төбәкара удмурт бию бәйгесе узды. Бәйгедә районыбызның барлык удмурт фольклор төркемнәре һәм Балтач районыннан килгән кунаклар катнаштылар. Жюри бию төркемнәрне һәм аерым башкаручыларны бәяләде.Бәйгенең нәтиҗәләре буенча призерларга һәм катнашучыларга дипломнар тапшырылды. Конкурс, барлык төркемнәр һәм тамашычылар катнашуында, бию кичәсе белән тәмамланды.

Физик затлар керемнәрен декларацияләү

    2022 елның 15-17 апрелендә Җиңү көненә багышланган 2013 елгы командалар арасында хоккей буенча «Олимп Кубогы» турниры булып узды. 

Татарстан Республикасы территориясендә метеорологик күренешләрнең интенсивлыгы турында консультация-кисәтү.

15 апрель көнне «Халыклар китаплар белән дус» проекты кысаларында С.В. Михалков исемендәге балалар китапханәсендә А.М. Булатов исемендәге күппрофильле лицейның 4а сыйныф укучылары өчен китапханәче Хафизова Гөлфия «Тылсымлы тартма» исемле уен программасы үткәрде. Чараның максаты - халык уеннарына карата кызыксыну һәм мәхәббәт тәрбияләү, рус халкының мәдәниятенә карата кызыксыну тәрбияләү. Балалар яраткан әкиятләрен, халык җырларын, такмакларны искә төшерде, табышмаклар чиште. Алар «Алтын капкалар», «Иванушка һәм Аленушка», «Кем көчлерәк?» рус халык уеннарын күрсәтте. Чара ахырында китапларга күзәтү үткәрелде.

16 апрель көнне Үзәк китапханәнең уку залы китапханәчесе Загидуллина Г.Ф., Россия халыкларының мәдәни мирас елы кысаларында, «Милосердие» үзәгендә тернәкләнү узучы балалар өчен «Татар милли костюмы» дип исемләнгән танып-белү сәгате үткәрде. Китапханәче компьютер презентациясе ярдәмендә татар киеменең тарихын сөйләде, аны үз халкының гореф-гадәтләре, тарихы белән таныштырды.