ЯҢАЛЫКЛАР

Район җитәкчелегенең халык белән очрашулары дәвам итә. Аның чираттагысы Ятмас Дусай авыл җирлегендә оештырылып, 2015 елның беренче яртыеллыгында башкарылган эшләргә нәтиҗә ясалды, киләчәккә планнар, бурычлар турында сөйләшенде.

17 август көнне «Наследники России» программасы кысаларында «Тылсым» халыкка комплекслы социаль ярдәм күрсәтү үзәгендә социаль педагог Э. Набиева , ТАССРның 95, Татарстан Республикасының 25 еллыгына багышлап балигъ булмаган балалар белән Кукмара туган якны өйрәнү музеена экскурсия оештырды.

“Президент белән бергә” программасы кысаларында “Шәфкать” сәламәтләндерү үзәгендә ЮХИДИ хезмәткәрләре белән берлектә “Юл кагыйдәләре белән дус булыйк” дип аталган интеллектуаль – спорт ярышы үткәрелде. Балалар ике командага бүленеп юл кагыйдәләрен ни дәрәҗәдә белүләрен күрсәттеләр. Алар “Билгене таны”, “Билгене яса” һ.б. конкурсларда катнаштылар, сорауларга җавап бирделәр, табышмаклар чиштеләр.

15 августта Мәчкәрә авылында халкыбызның «Кичке уен”ы үткәрелде. Бәйрәм ачык һавада оешкан төстә үтте. Бу чарада район мәдәният йорты үзешчәннәре актив катнашты.

14 август көнне китапханәче Пахомова Валентина Геннадиевна “Современница” клубының чираттагы утырышын үткәрде. “Табигать байлыгы” дип аталаган әлеге чарага утырышта катнашучылар көзге байлыктан әзерләнгән заготовкалар алвп килделәр, рецептлары белән таныштылар.

Җиңү паркы каршындагы мәйданда бал спасы - ярминкә үткәрелде. Әлеге бәйрәм, быел беренче тапкыр оештырылуына карамастан, анда халык шактый җыелган иде.

15 август көнне Кукмара районы тарихында беренче мәртәбә Бал ярминкәсе үткәрелде. Бу ярминкә Рәсәйдә уза торган “Медовый спас” бәйрәме кысаларында үтте. Ярминкәдә Кукмара районы умартачыларының киң ассортименттагы продукцияләре тәгъдим ителде.

Узган шимбәдә район җитәкчесе, “Бердәм Россия” сәяси партиясенең җирле бүлеге сәркатибе Сергей Димитриев җитәкчелегендәге Кукмара делегациясе “Бердәм Россия – 2015” төбәк партия проекты кысаларында Яр Чаллы шәһәрендә узган зона киңәшмәсендә катнашып кайтты. Әлеге чарада “Бердәм Россия”нең төбәк бүлеге сәркатибе, Татарстан Дәүләт Советы Рәисе Фәрит Мөхәммәтшин алып барды. Сүз агымдагы елның 13 сентябрендә узачак Татарстан Президентын һәм җирле Советка сайлаулар хакында барды.