ЯҢАЛЫКЛАР

Район җитәкчелегенең халык белән очрашулары дәвам итә. Аның чираттагысы Каенсар авыл җирлегендә оештырылып, 2015 елның беренче яртыеллыгында башкарылган эшләргә нәтиҗә ясалды, киләчәккә планнар, бурычлар турында сөйләшенде.

7 августта 9.00 сәгатьтә Кукмара район Советының кырык бишенче сессиясе чакырыла.

Бүген район җитәкчесе Сергей Димитриев һәм бер төркем служба вәкилләре Өркеш авыл җирлегендә яшәүчеләр белән очраштылар. Очрашу барышында агымдагы елда башкарылган эшләр турында сөйләшенде, киләчәккә планнар һәм бурычлар билгеләнде. Юл мәсьәләләре, Интернет челтәренә тоташу, пай җирләре турындагы һ.б. сорауларга җаваплар бирелде.

Бүген район җитәкчесе Сергей Димитриев һәм бер төркем служба вәкилләре Күкшел авыл җирлегендә яшәүчеләр белән очраштылар. Очрашу барышында агымдагы елда башкарылган эшләр турында сөйләшенде, киләчәккә планнар һәм бурычлар билгеләнде, сорауларга җаваплар бирелде.

Бүген Югары Өскебаш авылында яшәүче Мәйсүфә апа Шакирова үзенең 90 яшьлек юбилеен билгеләп үтте. Тыл ветеранын гомер бәйрәме белән район җитәкчесе Сергей Димитриев тәбрикләде, юбилярга Россия Президентының котлау открыткасын, үзенең Рәхмәт хатын, истәлек бүләге тапшырды. Шулай ук социаль яклау бүлеге җитәкчесе Светлана Җамалиева, Түбән Өскебаш авыл җирлеге башлыгы Нургаян Мөхәммәдҗановлар да юбилярга үзләренең котлауларын ирештерделәр.

Казан шәһәренең Мирный бистәсендә халкыбызның милли бәйрәме Сабантуй узды. Әлеге чарада Кукмара районы халкыбызның көнкүреше, гореф-гадәтләре, һөнәр-кәсепләре, мәдәниятләрен чагылдырган ишегалды тәкъдим итте. Татарстан лидеры Рөстәм Миңнеханов һәм башка кунакларны район җитәкчесе Сергей Димитриев каршылады. Кунаклар күргәзмәләр белән таныштылар, үзләренә кирәкле мәгълүмат алдылар, бик канәгать булуларын белдерделәр.

Бу көннәрдә Казанда Су спорты төрләре буенча дөнья чемпионаты бара. Республика өчен зур әһәмияткә ия булган әлеге чараның ачылу тантанасында Россия Президенты Владимир Путин һәм Татарстан лидеры Рөстәм Миңнеханов та катнашты.

Кукмараның Ленин һәм Ворошилов урамнарында “Стройком” оешмасында эшләнелгән эскәмияләр куела башлады. Быел барлыгы 18 эскәмия урнаштырылачак. Бу эскәмияләр Вадим Әхәтов җитәкләгән әлеге оешманың халыкка бүләге.

29 июль көнне Байлангар һәм Зур Кукмара җирлекләрендә Башкарма комитеты җитәкчесе урынбасары Азат Гарифуллин һәм бер төркем служба вәкилләре җирлек халкы белән очрашып кайттылар. Очрашу барышында агымдагы елда башкарылган эшләр турында сөйләшенде, киләчәккә планнар һәм бурычлар билгеләнде.

Урып-җыюга әзерлек чаралары күрү, аны оешкан төстә башлап җибәрү өчен җитәкче һәм белгечләр җаваплы булса, кырга чыккач, җитештерүчән эшләү комбайнчыларның осталыгына, тәҗрибәсенә бәйле. “Әсәнбаш“ агрофирмасында да, әнә, техника җаен белмәсәләр, инде 15 ел куллануда булган ДОН- 1500 комбайннарын көйле эшләтә алырлар идеме?