ЯҢАЛЫКЛАР

Кукмара 4нче урта мәктәбе чаңгы трассасында “Татарстан чаңгысы-2015” массакүләм чаңгы ярышлары узды. Бистәбездә, авылларда яшәүче спортчылар да мондый төр ярышлардан читтә калмадылар. Мәктәп укучыларыннан алып, муниципаль хезмәткәрләр, физик мөмкинлекләре чикле булучылар, җитәкче урыннарда эшләүчеләр, ветераннар да басты чаңгы юлына. Табигать-анабыз да, кояшлы матур көн бүләк итеп, спорт сөючеләрне сөендерде.

Манзарас авыл җирлегендә район Башкарма комитетының узган елгы эшенә хисап ясалды. Район җитәкчесе Сергей Димитриев җирлектәге һәр социаль-көнкүреш объектында булып, аларның торышы, эшчәнлеге белән танышты. Манзарас урта мәктәбендә үткәрелгән очрашуда хисап чыгышлары тыңланды, аннан халык үзен борчыган сорауларны җиткерде.

Бүген районыбызның тау чаңгысы базасы комплексында сноуборд буенча ачык чемпионат узды. Әлеге чара Сочидагы кышкы Олимпия уеннарына бер ел тулуга багышланган иде. Ярышларда Ижевск, Әлмәт, Киров өлкәсе, Казан һәм Кукмарадан килгән сноубордчылар катнашты.

Байлангар авыл җирлегендә район Башкарма комитетының узган елгы эшенә хисап ясалды. Район җитәкчесе Сергей Димитриев җирлектәге һәр социаль-көнкүреш объектында булып, аларның торышы, эшчәнлеге белән танышты. Байлангар урта мәктәбендә үткәрелгән очрашуда хисап чыгышлары тыңланды, аннан халык үзен борчыган сорауларны җиткерде.

Кәркәүч авыл җирлегендә район Башкарма комитетының узган елгы эшенә хисап ясалды. Район җитәкчесе Сергей Димитриев җирлектәге һәр социаль-көнкүреш объектында булып, аларның торышы, эшчәнлеге белән танышты. Авыл Мәдәният йортында үткәрелгән очрашуда хисап чыгышлары тыңланды, аннан халык үзен борчыган сорауларны җиткерде.

2 февральдә Кукмара музеенда Шәһри Казан газетасы журналистлары Илфак Шиһапов, Зөлфия Халиуллина, Дилбәр Гарифуллиналар булып китте. Алар безнең төбәк тарихы турында музей директоры Ләбүдә Давлетшинаның сөйләвен бик кызыксынып тыңладылар.

1 февраль якшәмбе көнне Кукмара мөхтәсибәте чакыруы буенча Мамадыш шәһәре мөселманнары районыбызга экскурсияга килеп киттеләр. Өлкәннәрдән һәм яшьләрдән торган 14 кешелек төркем арасында Мамадыш районының дин эшлеклеләре, имам-абыстайлар һәм мәчет әһелләре бар иде. Кунаклар иң элек Кукмара мәдрәсәсенә барып, әлеге уку йорты эшчәнлеге белән танышты, бинаны карап чыкты, шул көнне үткәрелгән дәресләрдә катнашты.

Юбилярны район Башкарма комитеты җитәкчесе Азат Гарифуллин, социаль яклау бүлеге җитәкчесе Светлана Җамалиева, Мәмәшир авыл җирлеге башлыгы Илгиз Әхмәтҗановлар котлады. Тыл ветеранына Россия Президентының котлау открыткасы, район җитәкчесенең Рәхмәт хаты, истәлек бүләге тапшырылды.

Кунаклар каршы алырлык, горурланып күрсәтерлек бина-корылмалар булу - үзе бер байлык. Урта Комарның да зур, иркен мәдәният йорты ераклардан балкып, үзенә дәшеп тора. Башкарган эшләре, ирешкән уңышлары да җитәрлек. Урта Комар авыл җирлегендә җир җимертеп эшли дә, рәхәтләнеп ял да итәләр.

28 январь көнне Әсән-Елга авыл китапханәчесе Нафикова Әлфинә балалар бакчасында “Каләмле каһарманнар” дигән батырлык дәресе үткәрде. Әлеге кичәнең максаты- Бөек Ватан сугышы турында мәгълүмат бирү, балаларны фронтовик язучылар Муса Җәлил, Абдулла Алиш, Фатих Кәримнең батырлыклары белән таныштыру, аларның иҗатларына күзәтү ясау.