ЯҢАЛЫКЛАР
Туризм һәм кунакчыллык милли проекты
Үз хезмәт килешүеңне тикшерергә вакыт
Киров өлкәсенең Сосновка шәһәрендә Бөтендөнья татар конгрессы ярдәмендә XIII Төбәкара «Уйнагыз гармуннар» фестиваль-конкурсы узды. Анда Кукмара районыннан иҗат коллективлары һәм солистлар катнашты: «Сэйлән» халык җыр һәм бию ансамбле, «Сердәш» фольклор төркеме, «Чәчкә» халык бию ансамбле, Зур Сәрдек мәдәният йортыннан Хөсәенов Шәүкәт, шулай ук Ландыш Моратова кул эшләре күргәзмәсе белән чыгыш ясады. Конкурс йомгаклары буенча кукмаралылар I һәм II дәрәҗә лауреат исемнәренә лаек булдылар.
18–22 март көннәрендә Салават шәһәрендә (Башкортстан Республикасы) «КЭС-БАСКЕТ» Мәктәп баскетбол лигасы чемпионатының федераль этабы финалы узды. Анда Идел буе федераль округының иң көчле мәктәп командалары катнашты. Ярыш йомгаклары буенча Кукма баскетболчылары икенче урынга лаек булдылар, ә команданың иң яхшы уенчысы итеп Максим Воронин танылды. Бу нәтиҗә аларга 2026 елның 17–25 апрелендә Ижевскидә узачак Суперфиналга чыгарга юл ачты.
25 нче март көнне уку залы китапханәчесе Сәлимова Т.Х., социаль ярдәм үзәге “НАЗ” да ял итүче пенсионерлар өчен Халыкара театр көне уңаеннан “Могҗизалар дөньясы ул театр” дигән тематик кичә үткәрде. Китапханәче татар театрының барлыкка килү тарихын сөйләде. “Сәхнә” журналында басылып чыккан мәкаләләр белән таныштырып үтте. Чара барышында ял итүчеләр шигырьләр тыңладылар. ”Йомры икмәк” әкиятендә бик теләп катнаштылар. Биредә дәваланучы Илсияр ханым, Аяз Гыйләҗев исемендәге Чаллы татар драма театрында эшләүче кызы, якташыбыз Физәлия Хәлил кызының рольләре турында әйтеп үтте. Үзәктә дәваланучылар бик күңелле итеп “Аулак өй” уенында да катнаштылар. Минемуллин Минлехан абый оста итеп гармунда уйнап “Аулак өй”дә катнашучыларны җырлатты, биетте.
Консультация - кисәтү метеорологик күренешнең интенсивлыгы турында 25 мартның 21 сәгатеннән 2026 елның 26 мартының 10 сәгатенә кадәр 2026 елның 26 мартында төнлә һәм иртән Татарстан Республикасы территориясендә урыны белән томан көтелә.
Кукмара муниципаль районы мәдәният идарәсе башлыгы Рамил Нуриев Мәдәният хезмәткәрләре көнендә хезмәттәшләренә мөрәҗәгать итте. Ул үз котлавында матурлыкка хезмәт итү зур бирешү таләп итүен ассызыклады, эшкә тугрылык, традицияләрне саклау һәм кешеләргә бүләк иткән ихлас хисләр өчен рәхмәтен белдерде. Җитәкче хезмәттәшләренә тынычлык-именлек, илһам, яңа проектлар һәм лаеклы танылу теләде.
2026 елның 24 мартында «Кукмара үзәк район хастаханәсе» педиатры Баһаветдинов Хәмит Гарәфи улы белән очрашу булды. Ул зарарлы гадәтләр һәм аларның спортчы организмына йогынтысы турында сөйләде.
25 март көнне, «Пушкин картасы» проекты кысаларында, китапханәче Г.Ф. Заһидуллина, "С. Әхтәмов исемендәге Манзарас авылы урта гомуми белем бирү мәктәбенең 8 нчы сыйныф укучылары өчен, «Барысын белергә телим» дигән квиз-уен үткәрде.
«Ватанны саклаучылар» фонды махсус хәрби операция ветераннары һәм һәлак булган сугышчыларның гаилә әгъзалары өчен ышанычлы терәккә әверелде.