ЯҢАЛЫКЛАР

алалар тәрбияләүдәге һәм гаилә традицияләрен ныгытудагы казанышлары өчен Куркино авылыннан биш бала анасы Ракеева Римма Ислан кызы Татарстан Республикасының “Ана даны- Материнская слава” медале белән бүләкләнде.

Быел 1 июльдән 15 августка кадәр Бөтенроссия авыл хуҗалыгы исәбен алу үтәчәк. Дәүләт статистикасының Кукмара районы бүлеге баш белгеч-эксперты Эльмира Хафизова хәбәр итүенчә, бу чарага әзерлек эшләре бара, исәбе алынырга тиешле объектларның исемлекләре төзелгән, аларның саны – 15213.

Кукмара туган төбәкне өйрәнү музеенда “Тимер юлга - 100 ел” дигән утырма узды. Музей хезмәткәре Лилия Галимуллина тимер юл тарихы һәм экспозициясе белән таныштырды.

Биектау районының Шәле авылында республикакүләм “Иске Казан түгәрәк уены” фестиваль-конкурсының финалы узды. Фестивальдә Татарстанның 29 районыннан 59 фольклор коллективы катнашты. Районыбызнын Вахит авылы мәдәният йорты каршында оешып, Нәзилә Тимергалиева җитәкчелегендә эшләп килүче ”Наза” фольклор ансамбле (Нәсыйхә Нәбиева, Гөлсинә Кәримуллина, Мәрьям Гыйльметдинова, Дания Шиһапова, Алсу Гарифуллина) бәйгедә өченче дәрәҗә лауреат исеменә лаек булды, диплом, “Иске Казан түгәрәк уены” дигән язулы махсус сәгатьләр белән бүләкләнде.

Казан шәһәренең Мирный бистәсендә халкыбызның милли бәйрәме Сабантуй узды. Әлеге чарада Кукмара районы халкыбызның көнкүреше, гореф-гадәтләре, һөнәр-кәсепләре, мәдәниятләрен чагылдырган ишегалды тәкъдим итте. 

Республикадан 150 кеше “Ф.И.Панферов” теплоходында Казан-Волгоград-Казан маршруты буенча җиде көнлек сәяхәттә. Круизда катнашучылар арасында Бөек Ватан, Сталинград сугышы ветераннары, тыл хезмәткәрләре, иҗтимагый оешма активистлары һәм Казан мәктәпләренең кадетлары бар. Әлеге сәяхәттә район ветераннар советы рәисе Мияссәр Мансуров, Зур Кукмара җирлегенең ветераннар советы рәисе Рашид Шәйхетдиновлар да катнаша.