ЯҢАЛЫКЛАР

Бөек Җиңү көне уңаеннан Зур Сәрдек гимназиясе янында бәйрәм митингыоештырылды.Тантана, Социалистик Хезмәт Герое Камил Фаяз улы Шакиров хөрмәтенә мәрмәр истәлек тактасы ачылудан башланды. Бәйрәм кунакларын район башлыгы урынбасары Р. Кәримуллина, ветераннар советы рәисе М.Мансуров, Камил Шакировның улы Н.Шакировлар котладылар.Укучылар һәм мәдәният хезмәткәрләре әзерләгән бәйрәм концертыннан соң табын артында, яу кырында шәһит киткәннәр рухына авыл имамы Рифат хәзрәт Коръән укыды. Ветераннар киләсе Җиңү бәйрәмен дә бергә каршыларга сүз куештылар.

-- 

6 май көнне “Тылсым” халыкка комплекслы социаль ярдәм күрсәтү үзәгенең “Наз” тернәкләндерү бүлегендә, ял итүчеләр өчен Бөек Җиңүнең 70 еллыгына багышланган “Яз – Җиңү” дип аталган концерт үтте.

Бөек Җиңүнең 71 еллыгы уңаеннан, барлык авыл мәдәният йортларында һәм авыл клубларында митинглар үтте.  Соңыннан ветераннар һәм тыл батырларына чәй өстәле әзерләнде, алар хөрмәтенә концерт күрсәтелде.

Россия Федерациясенең барлык төбәкләрендә үткәрелгән әлеге  акциягә Татарстан Республикасы, шул исәптән бистәбез халкы да бик теләп кушылды.

9 май көнне бистәбезнең Җиңү паркы каршындагы мәйданда һәркем көтеп алган иң зур бәйрәм - Бөек Җиңүнең 71 еллыгы билгеләп үтелде. Әлеге көннең кыйммәтен, бөеклеген берни белән дә тиңләштерерлек түгел.Олысы-кечесе кулларына шарлар, чәчәкләр тотып, мәйданга агылды. Орден-медальләр таккан ветераннар – безнең горурлыгыбыз, әмма аларның сафы елдан-ел кимеп бара. Бүгенге көндә бары тик 49 ветераныбыз гына исән-имин. Тагын бик күп еллар үтеп, буыннар алмашынса да, фронт һәм тыл каһарманнарының ил азатлыгы өчен куйган батырлыклары онытылмас, якты истәлекләре халык күңеленнән җуелмас.

8 май көнне районыбызда тантаналы вакыйга булды. Лельвиж авылында 100 кешегә исәпләнгән өр-яңа мәдәният йорты үзенең ишекләрен ачты. Лельвижлыларның сөенечен Татарстан Президенты Рөстәм Миңнеханов уртаклашты. Чарада Татарстан Дәүләт Советы Рәисе урынбасары Римма Ратникова, Татарстан Премьер-министры урынбасары - авыл хуҗалыгы һәм азык-төлек министры Марат Әхмәтов, Татарстан мәдәният министры Айрат Сибагатуллин, район башлыгы Сергей Димитриев катнашты.

-Ватаныбыз азатлыгы өчен рәхимсез сугышларда һәлак булучыларны, тылда армый-талмый корал җитештерүчеләрне, фронттагыларны икмәк белән тәэмин итүчеләрне олы ихтирам һәм юксыну хисләре белән искә алабыз,- диелә котлауда.

Бөек Җиңүнең 71 еллыгы уңаеннан районыбызга Татарстан буенча Эчке эшләр министрлыгының министр урынбасары, полициянең генерал-майоры Рафаиль Гыйльманов килде.

Зур Кукмарада яшәүче Хөсәенова Әминә Рәхимулла кызы шушы көннәрдә үзенең 90 яшьлек юбилеен билгеләп үтте.

6 майда балалар китапханәчесе Хафизова Гөлфия Мөкмин кызы “А.М. Булатов исемендәге 2нче номерлы күппрофильле лицей”ның 2 А сыйныф  укучылары өчен «Вставали в строй мальчишки боевые» дип исемләнгән батырлык дәресе уздырды.