ЯҢАЛЫКЛАР
21 август көнне Ст. Юмья авылы китапханәчесе Лидия Искаковна балалар өчен Рәсәй флагы көненә багышланган «Флаг России – гордость наша» исемле әңгәмә үткәрде.
19 август көнне Н. Кумор авылы китапханәчесе Светлана Туктаева балалар белән берлектә “Сәламәтлек чакрымнары”дип аталган велосипед ярышы оештырды.
18 август көнне Н. Кумор авылы китапханәчесе Светлана Туктаева балалар бакчасы тәрбиячеләре белән берлектә “Хәерле иртә” исемле спорт бәйрәме үткәрде.
22 августта Зур Сәрдек авылы мәдәният йортында язучылар берлеге рәисе Данил Салихов, шагыйрь, журналист, “Безнең мирас” журналының баш мөхәрирре Ләбиб Лерон, якташ язучыларыбыз Газинур Морат, Рифә Рахман белән очрашу булды.
Зур Сәрдек авыл җирлеге мәдәният хезмәткәрләре Аш-Буҗи авылында Кичке уен уздырдылар. Халкыбызның милли җыр-биюләре, уеннары, ярышлары белән үрелеп барган бу бәйрәмдә тамашачылар да бик теләп катнаштылар.
Лубянда халык җыены үткәрелеп, районда һәм әлеге җирлектә беренче яртыеллыкта башкарылган эшләргә йомгак ясалды. Район башлыгы Сергей Димитриев, Лубян җирлеге башлыгы Рим Фәхрәзиев, Лубян урман-техника көллияте директоры Афанасий Данилов, район эчке эшләр бүлеге начальнигы Рамил Нургалиевларның чыгышлары тыңланды. Район башлыгы урынбасары Равия Каримуллина сайлауларга хәзерлек барышы белән таныштырды.
22 август көнне балалар китапханәсе китапханәчесе Фирдания Закирова «Шәфкатьлелек» сәламәтләндерү үзәгенә йөрүче балалар өчен «Государственный флаг России – наша гордость и призвание!» исемле сәяхәт - дәрес үткәрде.
18 август көне Купка авылы китапханәчесе Рәхилә Юзмөхәметова «Сәламәт булсаң –шат булырсың» дип исемләнгән спорт сәгате уткәрде.
18 август көнне балалар китапханәсе китапханәчесе Нурия Гайнетдинова туган якка карата мәхәббәт уяту, матурлыгын күрә белү, яклау һәм саклау максатыннан урта яшьтәге балаларны “Туган җирем Татарстан” исемле китап күргәзмәсе белән таныштырды.