ЯҢАЛЫКЛАР

Китапханәчеләр көне якынлашу уңаеннан, Түбән Арбаш авылы китапханәчесе Рима Хисамова, 1-4 нче сыйныф укучылары өчен “Китап дөньясына сәяхәт” дип исемләнгән әдәби дәрес үткәрде. 

23 май көнне район китапханәчеләре тарафыннан М. Әмир, В. Кельмаков, И. Газизуллин урамнарында Сабантуй бәйрәменә сөлге җыю оештырылды. Г

Чебешләрне көздән саныйлар, дисәләр дә мәктәпләрдә уңышларны барлау чоры – язга, нәкъ менә май аена туры килә. Яуланган үрләрнең иң югарысы – Халыкара һәм республикакүләм фән олимпиадаларында җиңүләрдер, мөгаен.

Яшәгән җиребезне, әйләнә-тирәне чиста, матур тоту - һәркем өчен язылмаган кагыйдә, әхлаклылык билгесе. Яз көне игълан ителгән икеайлык вакытында гына чүп-чардан арынып, чиста яшәп булмыйдыр ул. Моның өчен ел дәвамында пычратмаска кирәк.

Кукмара 4нче урта мәктәбе укучылары – тегү фабрикасында, ә Зур Кукмара мәктәбендә белем алучылар киез итек-киез комбинатында булып кайттылар. Алар тегү һәм җитештерү бүлекләре белән таныштылар, җитәкчеләр, хезмәткәрләр белән очраштылар.

Китапханәчеләр көне якынлашу уңаеннан, район һәм авыл китапханәчеләре Болгар шәһәренә сәяхәткә барып кайтты. Алар Ак мәчеттә, Хан манарасында, Ак һәм Кара пулатта, музейларда булды, Болгар шәһәренә сокланып, мондагы тарихи – мәдәни истәлекләр белән якыннан танышты.  Изге Болгар җирендә күргәннәр беркемне дә битараф калдырмады.

21  май көнне Камышлы авылы янындагы тугайда мәгариф хезмәткәрләренең зур бәйрәме – Сабан туе узды. Бәйрәм котлаулар, дәртле җыр-биюләр, берсеннән-берсе кызыклы уеннар, мавыктыргыч тамашалар белән үрелеп барды. Алдынгыларга истәлек бүләкләре, Мактау грамоталары, Рәхмәт хатлары тапшырылды.

Календарьда күпме бәйрәм көннәре! Әмма һөнәри бәйрәмнәр һәрчак җылы хисләр уята. Алар бит кешеләргә намуслы хезмәтләре өчен хөрмәт белдерү белән бәйле, шулай ук үткәннәргә борылып карап, башкарылган эшләрне барлау, уңышларга сөенү мөмкинлеге бирә.