ЯҢАЛЫКЛАР

29 ноябрь көнне “Олимп” боз сараенда 2001 елда туган командалар арасында хоккей буенча Татарстан Беренчелеге үтте. Әлеге уенда “Олимп” (Кукмара) һәм “Лачын” (Актаныш) командалары очрашты. Уен 3:4 исәбе  белән “Лачын” командасы файдасына тәмамланды.  

28 ноябрь көнне  “Олимп” боз сараенда 2003 елгы командалар арасында хоккей буенча Татарстан Беренчелегенең чираттагы уеннары үтте. “Олимп” (Кукмара) һәм “Стальные совы” (Чирмешән) командалары уены, “Олимп” командасы файдасына 5:3 счеты белән тәмамланды.

2015 елның 29 ноябрендә Район Башкарма комитетының опека һәм попечельлек бүлеге хезмәткәрләре Әниләр көне уңаеннан опекун әти-әниләргә Кәрим Тинчурин исемендәге Татар дәүләт драма һәм  комедия театрына бару оештырды. Тормышчан, юморлы, чын кичерешле, мәхәббәт һәм яхшылык чагылган “Мәхәббәт баскычы”спектакле беркемне дә битараф калдырмады.

Анда кунаклардан Удмуртия Республикасының милли сәясәт министры урынбасары Татьяна Ишматова, Татарстан удмуртларының милли-мәдәни автономиясе рәисе Валентин Романовлар катнашты.

“Бердәм Россия” Бөтенроссия сәяси партиясенең Генераль советы Президиумы карары нигезендә, партиянең туган көне уңаеннан, бүген, 1 декабрьдә районда гражданнарны Бердәм кабул итү көне уза. Иртәнге сәгать 8.00дән сәгать 9.00гә кадәр район халын район башлыгы Сергей Димитриев кабул итте. Җирлек башлыклары, шулай ук төрле подразделение җитәкчеләре дә бүген халык белән очрашалар. Сәгать 14.00дән исә халыкны Татарстан дәүләт Советы депутаты Римма Ратникова кабул итәчәк.

28 ноябрьдә Мамадыш районы Дүсмәт мәдәният йортында Татарстанның халык артисты Виталий Агапов җитәкчелегендә «Керәшеннәр – җырыу әйтә» зона фестиваль-конкурсы булды. Конкурста Югары Чура авылыннан «Карендәшләр» керәшен халык фольклор ансамбле катнашып, Гала концертта чыгыш ясау хокукына ия булдылар.

29 ноябрьдә Чаллы шәхәренең Сара Садыйкова исемендәге мәдәният сараенда үткән Гала концерта катнашып 3 дәрәҗә лауреат исемен алып кайттылар. «Карендәшләр» ансамблен җиңүләре белән ихлас котлыйбыз.

27-29 ноябрьлардә авыл мәдәният йортларында һәм клубларында Әниләр көне уңаеннан бәйрәм чаралары булып үтте. Кичәләрдә мәхәббәте һичбер киртәләрне белми торган, күкрәк сөте белән дөньяга хәят биргән кешене – Ананы олыладылар. Йортларга ямь, ашларга тәм бирүче әнкәйләр хөрмәтенә иң изге теләкләр әйтелде, дәртле биюләр, матур җырлар башкарылды.

Татарстанда 8-11 сыйныф укучылары, студентлар, актив хәбәрчеләр арасында “Журналист буласым килә” дигән халыкара бәйге узды. Конкурста Кукмара өченче урта мәктәбенең “Журналистика әлифбасы” түгәрәгенә йөрүче 9а сыйныфы укучысы Рафаэль Минимуллин “Сабантуй – күңел бәйрәме” дигән язамасы белән “Дебют” номинациясендә икенче урынны алды.