ЯҢАЛЫКЛАР

26 сентябрьдә Вахит авылы китапханәсендә “Экстремизмга-юк!” дип исемләнгән батырлык дәресе үтте. Әлеге дәреснең максаты- укучыларны бер-береңә карата мәрхәмәтле, шәфкатьле, ярдәмчел булырга өйрәтү, җаваплылык хисе тәрбияләү, тыныч тормышның кадерен белеп, һәркем өчен кадерле һәм кыйммәтле булган гомерне саклап, һәрчак уяу булып яшәү кирәклеген аңлату. Экстремизм, терроризм сүзләренә аңлатма бирелде.

Вахитов исемендәге хуҗалыкта быел иртә яздан 1200 мал сыешлы мега-ферма төзүгә керешкәннәр иде. “600 терлеккә исәпләнгән бер корпусын һәм саву цехын сентябрь аенда тапшырырга ниятлибез”, - дип белдерде хуҗалык рәисе Нәфыйк Хөсәенов март аенда үткәрелгән семинар-киңәшмәдә.

-Хөрмәтле өлкәннәребез! Сез катлаулы тормыш юлы үтеп, авырлыкларны, сынауларны җиңеп, матур яшәү үрнәге күрсәттегез, туган төбәгебезне төзекләндерү, аның икътисадын ныгытуга үзегездән зур өлеш керттегез. Авыл хуҗалыгында, завод-фабрикаларда, төзелештә, сәламәтлек саклау, мәдәният, мәгариф өлкәсендә игелекле хезмәт итеп, чордашларыгызның ихтирамын, без – яшьләрнең хөрмәтен яуладыгыз, - диелә котлауда.

Тормышында күркәм уңышларга ирешкән якташларыбыз өчен ничек сөенмисең! Булдыра шул безнекеләр! Кукмара кызы Ангелина Сираҗетдинованың да (Саммасова) Татар Дәүләт филармониясендә эшләве очраклы түгел: иң оста сәнгать сөючеләрне генә кабул итәләр анда. Ангелина исә – скрипкачы, оркестрда уйный. Телефоннан шалтыратып, хәлләрен белергә булдык әле.

Вакытлы матбугат, радио-телевидение һәм Интернет челтәре аша дөньякүләм яңалыклар белән һәрдаим танышып барабыз. Арада төрле шартлаулар, кеше үтерү, террорлык актлары хакындагылары да шактый күп булу аеруча борчу тудыра. Гүя вәхшиләр бер гаепсез халыкның, сабый балаларның канын коюдан үзләренә ямь һәм тәм таба. Хәер, яман ниятләрен, уй-гамәлләрен тормышка ашырырга теләүчеләр өчен аларга кемнең җанын кыйса да барыбер шул...

Кишерне саклау ысуллары бик күп. Һәркем мөмкинлегеннән чыгып, кышка әзерләп калдыра. Элеккеге ысул буенча бидонга тутырып, ком белән күмүчеләр дә бар. Кыргычтан кырып, туңдыргычка куябыз, дип әйткәннәрен дә ишетәбез. Ә мин тагын бер ысул тәкъдим итәргә телим. Кыш буена җитәрлек кишерне яхшылап юасы, төпләрен кисеп, чүпрәккә салып киптерәсе. Аннары целлофан пакетларга биш-алтыны салып, һава кермәслек итеп башларын бәйлисе. Әлеге пакетларны кәгазь тартмаларга тутырып, базга куясы. Кушканнарны дөрес эшләсәгез кыш буе, яңа казып алган шикелле, кетердәп торган кишер ашарсыз.

Район авыл хуҗалыгы һәм азык-төлек идарәсенең механизация бүлеге җитәкчесе Сәләхетдинов Фәрит Расим улы 27 сентябрьдә үзенең 60 яшьлек юбилеен билгеләп үтте.

айон башкарма комитет рәисе вазыйфаларын башкаручы Сергей Димитриев үткәргән дүшәмбе киңәшмәсенең авыл хуҗалыгы тармагы буенча булган өлешендә кыр эшләре барышында, аеруча җирләрне туңга сөрүдәге проблемалар, шулай ук сөт җитештерүдәге берникадәр булган чигенеш, терлекләрне ясалма орлыкландырудагы кимчелекләр турында сөйләшенде. Бу атнада кукуруз уңышын тулысынча җыеп алу бурычы куелды.

Көннәр кыскара, ялтырап чыккан кояш нурлары да җылыта алмый көзге иртәләрне. Бу ел фасылының да беренче ае төгәлләнеп килә. Бакчаларда кишер, чөгендер өлгерә, күпләр инде бу вакытка бәрәңгеләрен казып бетерә, кызарган миләш, балан бакчага үзгә бер матурлык өсти, көзге бакча гөлләре әле дә кырауларга бирешмичә күзләрне иркәли. Безнең һава шартларында да уңышлы гына үсүче җылы як җимеше – виноградлар үзе генә дә ни тора!

Алабуга шәһәрендә 1996-1997 елларда туган яшь егетләр арасында “Татарстан яшьләре” газетасы призларына татар милли спорт көрәше буенча республика беренчелеге үтте. Ярыштан районыбыз командасы беренче урынны алып кайтты. Быел яз көне егетләр Чистайда узган Федерация Кубогы ярышларында җиңү яулаганнар иде. Бу юлы да аларга бәхет елмайды.