ЯҢАЛЫКЛАР

Балалар шуклыгы нәтиҗәсендәге янгыннарны кисәтү, ут чыганакларына карата дөрес мөнәсәбәт тәрбияләү, янгын чыккан очракта балаларда үзләрен дөрес тоту күнекмәләрен формалаштыру һәм ныгыту, сәләтле балалар белән эшләүне камилләштерү максатында Кукмара янгын күзәтчелеге бүлеге иң яхшы иҗат эшләренә конкурс үткәрде.

29 апрель көнне “Шәфкать” мөмкинлекләре чикләнгән балаларны һәм яшүсмерләрне сәламәтләндерү үзәгендә “Балачак – күңелле чак” дип аталган чара үтте. Балалар җырлар җырладылар, төрле уеннарда һәм конкурсларда катнаштылар, табышмаклар чиштеләр, шигырьләр сөйләделәр. Актив катнашканнары өчен балаларга дипломнар һәм призлар тапшырылды.

29 апрель көнне “Тылсым” халыкка социаль ярдәм күрсәтү үзәгенең сәламәтләндерү бүлегендә татар халык шагыйре Габдулла Тукайның 128 еллыгына багышланган “Шагыйрь эзләре буйлап” дип аталган тематик кичә булды. Ял итәргә килгән ветераннар каршында китапханәче Салимова Тәскирә чыгыш ясады. Бергәләп Г. Тукайның тормыш юлын, шигырьләрен искә төшерделәр.

«Тылсым» халыкка комплекслы социаль ярдәм күрсәтү үзәгендә Бөек Ватан сугышы ветераннары һәм Чернобль атом электр станциясе авариясе нәтиҗәләрен юк итүдә катнашучылар өчен өч атналык кабул итүләр оештырылды. Парикмахер-стажер Шахтина Кристина «Шәфкатьлелек атналыгы» кысаларында алар өчен бушлай хезмәт күрсәтте. Шулай ук ялгыз яшәүче гражданнарның өйләренә барып хезмәт күрсәтте.

Җирле үзидарә көнен билгеләп үтү кысаларында , Кукмара муниципаль районы авыл җирлеге башлыклары, Район Башлыгы Равия Каримуллина җитәкчелегендә, Болгар җирендә булып кайттылар. Бөек Болгарның истәлекле урыннары белән танышып, үзләренә онытылмаслык хәтирәләр алып кайттылар.

Кукмараның “Чулпан” балалар бакчасында “Яшь янгын сүндерүче” дигән чара үткәрелде. “Янгын сүндерүчеләрне чакыру”, “Янгын сүндерү шлангын җыю” һәм башка төрле уеннар оештырылды. Бирегә Кукмара районы буенча янгын күзәтчелеге бүлеге дознавателе Эльбрус Әхмәтҗанов килде.

26 апрель Янил авыл китапханәсендә 4 нче сыйныф укучылары катнашында татар халкының бөек шагыйре Г.Тукайга багышланган “Тукай йолдызлыгы астында” исемле йолдызлы сәгать уены үткәрелде. Барлыгы 8 укучы катнашты.

Трыш авылы китапханәсендә балаларда Г. Тукайның күпкырлы иҗатына кызыксыну уяту, ихтирам хисләре тәрбияләү, балаларның игътибарлыкларын, фикерләү, хәтер сәләтен үстерү максатында “Тукай безнең күңелләрдә” дип исемләнгән кичә үткәрелде.

Сосновка шәһәрендә балаларның чит телдәге төбәкара иҗат фестивале узды. “Яшь талантлар” дип аталган әлеге чарада Кукмара дүртенче урта мәктәбенең 2Б, 8В сыйныф укучылары катнашып, мактаулы урыннар яуладылар.

Һава торышы көйсез торса да, районыбыз кырларында язгы кыр эшләре дәвам итә. Авыл хуҗалыгы һәм азык-төлек идарәсеннән алынган мәгълүматларга караганда, бүгенгә район буенча барлыгы 2 мең гектарда уҗым культуралары, 4500 гектарда күпьеллык үләннәр тырмаланган, 8300 гектарда күпьеллык үләннәргә, 7 мең гектарда уҗымнарга минераль ашламалар кертелгән.