ЯҢАЛЫКЛАР

Вахит авылының якты, иркен мәдәният йотында “Моңнар кайтсын авылга” дигән фестиваль узды. Бәйрәм “Наза” фольклор ансамбленә йөрүче өлкән яшьтәге апа-абыйлар һәм яшьләр тарафыннан оештырылган “Бәби туе” дип исемләнгән театральләштерелгән тамаша белән башланып китте. Шулай ук өлкәннәребез, баянга кушылып, бәрмә уен коралларында уйнап, үзләре язган шаян такмакларны да бик оста итеп башкардылар.

Татарстан Президенты Рөстәм Миңнеханов боерыгы нигезендә быел Сабантуй бәйрәме авылларда 7-8 июньдә, Яр Чаллы шәһәрендә - 12 июньдә, Казанда 21 июньдә үткәреләчәк.

Кукмара атамасы тарихи чыганакларда, белешмәләрдә шактый очрый.

Казан өязе теркәү кенәгәсендә (писцовая книга) (1602–1603) Кукмара өяз үзәге буларак беркетелеп калган. Торак пунктлар бүген барлыкка килеп, икенче көнне үк тарихи чыганакларга теркәлмиләр бит. Кукмара атамасының шул елларда ук тарихи чыганакта ныгып калуы аның бу саннардан шактый алдарак оешканын дәлилләп күрсәтә.

Зәйдә 1990-95 елда туган яшүсмерләр арасында гер күтәү буенча Татарстан беренчелеге үтте. Кукмараның күппрофильле лицей укучылары (тренерлары Ленар Хаҗиев) Мурат Йосыпов – беренче, Кәрим Мөхәммәтшин дүртенче урыннарны яуладылар.

Алабугада республиканың мәктәпкәчә тәрбия бирү учреждениеләре арасында балаларның юл-транспорт һәлакәтләрендә имгәнүләрен кисәтүгә багышланган “Яшел ут” конкурсының финал ярышлары үтте. Бу конкурсның төп максаты балаларга юл йөрү кагыйдәләрен өйрәтүне активлаштыру иде.

14 апрель көнне Кукмара №3 мәктәбендә башлангыч сыйныфлар атналыгы кысаларында 1 сыйныф укучылары белән “Тапкырлар бәйгесе” дип исемләнгән уен үткәрелде. Балалар “Союз”, “Восток”, “Салют” дип аталган өч командага бүленеп көч сынаштылар.

11 апрель көнне Кукмара А.М. Булатов исемендәге куппрофильле лицеенда 8-11 сыйныф укучылары өчен профориентацион чара үткәрелде. Чара барышында «Калейдоскоп профессий» дип аталган мультипликацион фильм күрсәтелде, һөнәрне дөрес сайлау буенча әңгәмә үткәрелде. Әлеге чараны социаль фәннәр кандидаты, Казан шәһәренең “БИНК” клубы психологы Вылегжанина Алсу Вакифовна үткәрде.

9 апрель көнне Вятка Аланы шәһәрендә мөмкинлекләре чикләнгән балалар арасында сынлы сәнгать буенча “Золотая хохлама” дип аталган олимпиада уздырылды. Олимпиадада Кукмара сәнгать мәктәбенең сәнгать бүлеге укучылары Юзмухамедова Алия, Хабибуллина Илюза, Закирова Лейсән катнаштылар. Олимпиада сораулары теоритик һәм практик өлештән торган. Кукмара укучылары барлык сорауларга да җавап тапканнар. Олимпиаданың нәтиҗәләрен көтәбез!

Әйе, механизаторлар, игенчелек тармагы белгечләре өчен көнне төнгә ялгап эшләр чак җитте. Йоклап ятып, кулай вакытны кулдан ычкындырсаң, көзгә амбарың буш булачак.

Ураллыларның, елдагыча, җиңнәре сызганулы – машина-трактор паркын тутырып тезелгән техника басуга чыгарга команда бирелгәнне генә көтә. Хәер, аларның “Туман” агрегатлары ел саен башкаларга караганда 4-5 көн алдан кырда минераль ашламалар сиптерүгә керешә. Быел да эшне ул башлап җибәргән.

11-13 апрель көнне “Олимп” боз сараенда 2006 елда туган балалар арасында Татарстан Республикасы хоккей Федерациясе призына хоккей турнирының сайлап алу этабы булды.