ЯҢАЛЫКЛАР

      20 сентябрьдә халыкка бушлай юридик ярдәм күрсәтү проектын тормышка ашыру кысаларында Кукмара нотариаль конторасы нотариуслары, Кукмара районы прокурорлары һәм адвокатлар тарафыннан бушлай юридик хезмәт күрсәтү өчен Бердәм көн үткәреләчәк. Адресыбыз: Кукмара, Ленин урамы, 15 йорт, район Советы бинасы, 1 кат, “Бердәм Россия” партиясенең җәмәгатьчелек кабул итү бүлмәсе.

Нотариус Вәлиев Рафил Кавый улы – 8дән 9 сәгатькә кадәр;

Нотариус Шәйдуллина Вәсилә Хамбал кызы -  9дан 10 сәгатькә кадәр;

Нотариус Миндубаева Роза Ногман кызы – 10нан 11 сәгатькә кадәр;

Адвокат Вәлиева Рәйсә Наил кызы – 11дән 14 сәгатькә кадәр.

Район прокуроры урынбасары Сәмигуллин Ришат Рамил улы – 14 сәгать-16 сәгатьләрдә.

Белешмәләр өчен телефон: 2-65-14.

Мәгариф учреждениеләренең күргәзмә-ярминкәсендә һәр номинация буенча баллар куелып, җиңүчеләр билгеләнде.

Озак еллар намус белән эшләгәне һәм милли мәдәниятне үстерүгә керткән өлеше өчен Поч.Кучук авылы мәдәният йорты каршындагы “Кнавел” мари халык фольклор ансамбле хормейстеры Искаков Леонид Александровичка Татарстан Республикасы Президентының Рәхмәте белдерелде.

Районыбыз кырларында көзге кыр эшләре дәвам итә. Авыл хуҗалыгы һәм азык-төлек идарәсеннән алынган мәгълүматларга караганда, 800 гектарда кукуруз җыеп алынган, аннан 10 мең тоннага якын силос салынган. “Урал”, Вахитов исемендәге, “Восток” хуҗалыкларында бәрәңге алу бара, һәр гектардан уртача 180-200 центнер уңыш чыга. Көзге җир эшкәртү дәвам итә, бу мөһим чара 16 мең гектарда башкарылды.

Биектау районының "Байтик" сәламәтләндерү лагерендә физик мөмкинлекләре чикләнгән спортчылар арасында XXI  республика фестивале һәм җиңел атлетика ярышлары узды.

Район авыл хуҗалыгы һәм азык-төлек идарәсеннән алынган мәгълүматларга караганда, быел районыбыз кырларында 643 гектар “икенче икмәк” игелгән. “Бәрәңге патшасы” булган вахитлеләр быел аны 200 гектарда утыртканнар. Аларда бәрәңге гектарыннан 200 центнер уңыш бирә.