ЯҢАЛЫКЛАР

Авыруларга шифа бирү көченә ия булган могҗизалы һәм серле тоз мәгарәләре турында белмәүчеләр сирәктер. Анда барып кайту турында хыялланып та, мөмкинлекләре булмаган райондашларыбызны сөендерергә ашыгабыз: мондый “мәгарә” хәзер үзебезнең Кукмарабызда барлыкка килде. Төгәлрәк әйткәндә, “Тылсым” халыкка социаль хезмәт күрсәтү үзәгендә тоз белән дәвалау бүлмәсе ачылды.

Ак юллар сезгә, егетләр-кызлар!
Бердәм дәүләт имтиханнары, ниһаять, артта калды. Узган атнада барлык районыбыз мәктәпләрендә дә “Чыгарылыш кичәләре” гөрләде. Җиңү Паркы каршында узган бәйрәм тантанасында чыгарылыш укучыларын район җитәкчесе Сергей Димитриев тәбрикләде, укуда аеруча зур уңышларга ирешкән егет-кызларга медальләр тапшырды.

Чарлы авылында республика программасы кысаларында капиталь төзекләндерелгән мәдәният йорты үзенең ишекләрен ачты.

Бүген Кукмарада яшәүче Зәкиев Шакир Зәки улы үзенең 90 яшьлек олы юбилеен билгеләп үтте. Шакир абыйны район җитәкчесе Сергей Димитриев тәбрикләде, Россия Президентының котлау открыткасын, үзенең Рәхмәт хатын, истәлек бүләге тапшырды. Шулай ук киез итек-киез комбинаты хезмәткәре Ирина Кисиль, “Тылсым” үзәге җитәкчесе Нурсөя Мөбарәковалар да юбилярга үзләренең тәбрикләүләрен ирештерделәр.

26 июнь көнне районыбыз мәктәпләрендә чыгарылыш кичәләре үтте. Быел 391 укучы 11 сыйныфны уңышлы тәмамлап олы тормыш юлына аяк баса. 9 сыйныфны 623 укучы тәмамлады.

“Тулы канлы тормыш белән яшәү” проекты кысаларында Кукмара районының “Тылсым” халыкка социаль хезмәт күрсәтү үзәге каршында тоз бүлмәсе җиһазландырды. Аны 26 июньдә тантаналы рәвештә ачтылар. Шул ук көнне узган Сабантуйда инвалидлар кайбер спорт төрләрендә көч сынашты.

Санитар-чистарту икеайлыгына нәтиҗә ясалды. Кукмарада яшәүче Гөлфия һәм Камил Ямалетдиновлар, авыл җирлекләре арасында Туембаштан Наилә һәм Назыйм Зариповлар “Иң үрнәк шәхси хуҗалык” номинациясендә җиңү яуладылар. Әлеге гаиләләргә район җитәкчесенең Рәхмәт хаты һәм истәлек бүләге тапшырылды.

Мәгариф идарәсе учреждениеләренең профсоюз оешмалары арасында “Иң яхшы коллектив килешүе” дигән смотр-конкурс уздырылды. Район күләмендә беренче урын яулаган эшләр халык мәгарифе һәм фән хезмәткәрләре профсоюзының Татарстан республика комитетына җибәрелде. Республика күләмендә үткән конкурста катнашып, поселокның “Ромашка” балалар бакчасы коллективы 3нче урынны яулады.

Кукмараның юл төзү-ремонтлау участогы юлчылары Зур Кукмара авылының Октябрь урамы юлын төзекләндерүне төгәлләп киләләр. “Тирән чокырлары булган урам инде күптәннән ремонт сорый иде. Шуңа күрә иң элек юл яхшылап тигезләнде, балчык, таш, ком, вак таш салынып тиешле таләпләргә туры китерелеп тыгызланды.