ЯҢАЛЫКЛАР
Ятмас-Дусай авылы китапханәчесе Венера Галиуллина, башлангыч сыйныф укучылары өчен, Муса Җәлилнең тууына 110 ел тулуга багышлап, “Муса Җәлил – халкым улы” дип исемләнгән әдәби - музыкаль кичә үткәрде.
Кукмара 4нче урта мәктәбе чаңгы трассасында “Россия чаңгысы-2016” массакүләм чаңгы ярышлары узды. Бистәбездә, авылларда яшәүче спортчылар да мондый төр ярышлардан читтә калмадылар. Мәктәп укучыларыннан алып, муниципаль хезмәткәрләр, җитәкче урыннарда эшләүчеләр, ветераннар да басты чаңгы юлына. Ярышка килүчеләрне район башлыгы Сергей Димитриев сәламләде, үзенең изге теләкләрен ирештерде. Табигать-анабыз да, кояшлы матур көн бүләк итеп, спорт сөючеләрне сөендерде.
Поселок җирле үзидарә рәисе Райнур Нотфуллин үз чыгышында 2015 ел дәвамында башкарылган эшләр, хәл итәсе мәсьәләләр белән таныштырды. Район Башкарма комитеты җитәкчесенең беренче урынбасары Чулпан Хәнәфина халыкның үзмәшгульлеген тәэмин итү, шул максатка юнәлдерелгән дәүләт программалары турында чыгыш ясады.
Ел саен районыбызда кайнар нокталарда үзләренең хәрби бурычларын үтәгән якташларыбыз белән очрашу уздырыла. Бүген дә сугышчы-интернационалистларны искә алу көне уңаеннан хәрби хәрәкәтләр ветераннары Җиңү паркы каршындагы мәйданга җыйналды. Алар Стелага венок куеп, сугыш кырында башларын салган солдатларны бер минут тынлык белән искә алдылар. Безнең яклардан Әфган җирендә 160 егет хезмәт итеп, аларның дүртесе туган нигезләренә исән-сау әйләнеп кайта алмаган.
Каенсар авылы мәдәният йортында үткәрелгән җыелыш җирле үзидарә органнарының 2015 елгы эш нәтиҗәләренә багышланган иде.
Халык белән очрашып сөйләшү Олыяз һәм Нырья авыл җирлекләрендә дәвам итте. Шунда ук “Урал” хуҗаылгының узган елгы эшчәнлегенә нәтиҗә ясалды. Хуҗалыкта хезмәт хакы үзвакытында бирелә, салымнар үзвакытында җыела. Кыскасы, халык көр күңел, киләчәккә ышаныч белән яши.
Конкурсның зона турында Кукмара, Балтач, Арча, Теләче, Әтнә районнарыннан 15 укытучы көч сынашты.